Bumalik na sa Mexico si Miss Universe 2025 Fatima Bosch noong Miyerkules, December 10, 2025.
Ngunit taliwas sa karaniwang big welcome para sa mga nananalo sa isang international beauty pageant, lalo na ang Miss Universe, tila pasikreto ang pag-uwi ni Fatima sa kanyang home country.
Ayon sa ulat ng Ventaneando, isang entertainment TV program sa Mexico, mukhang ayaw ni Fatima na malaman ng kanyang mga kababayan na siya ay nagbalik na sa kanilang bansa.
Sa airport ay namataan siyang naka-hoodie, sumbrero, at dark shades.
Pero maraming security personnel na nakapalibot sa kanya.
Bagamat pasikreto ang pagbabalik niya sa Mexico, natiktikan pa rin ang kanyang pagdating sa airport.
Read: Anntonia Porsild is PH team's placard bearer at SEA Games 2025
FATIMA BOSCH EVADES THE MEDIA
Iwas na iwas din si Fatima sa mga nakaabang na media sa airport ng Mexico.
Pero nagpumilit silang ma-interview ang bagong hirang na Miss Universe mula sa kanilang bansa.
Isa sa mga isyung nais nilang masagot ni Fatima ay ang alegasyong binili ng kanyang ama ang Miss Universe 2025 crown mula sa Miss Universe Organization.
Sa ulat naman ng Univision, isang English-Spanish language free TV network, naitanong daw kay Fatima kung ito na ba ang kanyang grand welcome sa Mexico.
Sagot daw ng beauty queen: "No, it's not my welcome back. It's just that we have an event and we were supposed to come, but it's so nice to see you."
Iwas na iwas man siyang sagutin ang tanong kung binili nga nila ang korona, iginiit niyang may pressure na kasama sa kanyang pagkapanalo.
Aniya, "Super happy, very proud, and with a lot of responsibility already working, content."
Pero kinulit pa rin siya ng media kung binili ba ng kanyang ama ang Miss Universe crown niya.
Maiksing sagot niya, “I have nothing to say on the subject. Have a nice day."
Kinumpronta rin siya ng mga reporter kung ibabalik ba niya ang korona katulad ng nauulat sa ibang media.
Sagot ni Fatima, "No, thank you."
View this post on Instagram
Nabansagang "walkout queen" si Fatima matapos niyang layasan ang interview sa kanya ng Telemundo dahil sa tanong tungkol sa demanda ng Thai pageant executive na si Nawat Itsaragrisil at ang frozen bank accounts ni Miss Universe co-owner Raul Rocha.
Read: Miss Universe 2025 Fatima Bosch, nag-walkout sa TV interview