Natagpuang patay ang Hollywood director na si Rob Reiner, 78, at ang kanyang asawa na si Michele Singer, 68, sa loob ng kanilang tahanan sa Brentwood, Los Angeles, California, Linggo ng hapon, December 14, 2025.
Ayon sa ulat ng TMZ at PEOPLE, rumesponde ang Los Angeles Fire Department matapos makatanggap ng tawag para magbigay ng medical aid.
Dito nila natagpuan ang wala nang buhay na katawan ng mag-asawa na parehong may tama ng saksak na pinaniniwalaang mula sa kutsilyo.
Read: Chie Filomeno and Matthew Lhuillier spotted anew in Cebu
Itinuturing ang pagkamatay nina Reiner at Singer bilang homicide.
Ayon sa multiple sources ng PEOPLE, ang pangunahing suspek sa pagpatay sa direktor at asawa nito ay ang sarili nilang anak na si Nick Reiner.
Sa interview niya sa PEOPLE noong 2016, inilahad ni Nick ang kanyang ilang taong pakikipaglaban sa drug addiction, na nagsimula raw noong teenager pa lamang siya.
Labas-masok daw siya sa rehab simula noong 15-anyos pa lamang siya, pero mas lalo raw lumala ang kanyang addiction.
Ikinasal sina Reiner at Singer noong 1989. Mayroon silang tatlong anak, kabilang si Nick.
Unang ikinasal si Reiner sa actress-director na si Penny Marshall, na pumanaw noong December 17, 2018.
Read: Bago sina Kim at Lakam, matindi rin ang away ng magkakapatid na ito
ROB REINER: FROM ACTOR TO DIRECTOR
Si Rob Reiner ang isa sa pinaka-prolfic directors sa Hollywood.
Nagsimula siya bilang aktor at nakilala sa sitcom na All In The Family noong '70s.
Ang kanyang directorial debut ay ang mockumentary comedy film na This Is Spinal Tap (1984).
Kabilang sa memorable films niya ay Stand By Me (1986), The Princess Bride (1987), When Harry Met Sally... (1989), Misery (1990), A Few Good Men (1992), The American President (1995), at The Ghosts of Mississippi (1996).
Read: Girls’ Generation’s Tiffany Young, actor Byun Yo Han confirm relationship, marriage plans