Pumanaw na ang Dawson's Creek star na si James Van Der Beek matapos ang ilang taong pakikipaglaban sa colorectal cancer.
Binawian ng buhay si James nitong Miyerkules, February 11, 2026.
Siya ay 48.
Read: Jenny Syquia reveals receiving messages from ex-husband Gabby Concepion
Inanunsiyo ng pamilya ng American actor ang malungkot na balita sa pamamagitan ng kanyang social media accounts.
Nakasaad dito: "Our beloved James David Van Der Beek passed peacefully this morning.
"He met his final days with courage, faith, and grace.
"There is much to share regarding his wishes, love for humanity, and the sacredness of time. Those days will come.
"For now we ask for peaceful privacy as we grieve our loving husband, father, son, brother, and friend."
View this post on Instagram
Si James ay na-diagnose na may colorectal o bowel cancer noong huling bahagi ng 2023, ngunit isinapubliko lamang niya ito noong November 2024.
Naulila ng aktor ang kanyang asawa na si Kimberly Brook at ang kanilang anim na anak.
View this post on Instagram
Read: Anne Curtis denies saying "iconic" quote but also says "I'm gonna own it"
JAMES VAN DER BEEK AND DAWSON'S CREEK
Si James ay ipinanganak sa Cheshire, Connecticut, noong March 8, 1977.
Nakilala nang husto si James Van Der Beek dahil sa kanyang pagganap bilang title role sa WB series na Dawson's Creek, na umere mula 1998 hanggang 2003.
Itinuturing na ngayong iconic ang teen drama series kung saan nakasama niya sa cast sina Katie Holmes, Michelle Williams, at Joshua Jackson.
Ang iba pa niyang projects na tumatak sa publiko ay ang mga pelikulang Varsity Blues (1999), Texas Rangers (2001), The Rules of Attraction (2002), at Downsizing (2017).
Sa telebisyon naman ay nagkaroon siya ng guest appearances sa mga series na How I Met Your Mother, One Tree Hill, Law & Order, at Modern Family.
Sumali rin siya sa reality shows na Dancing With The Stars (2019) at The Masked Singer (2025).
Read: Comedienne Jinky Oda opens up about struggles living in the U.S.