Mother versus daughter.
Maaanghang ang mga pinakawalang pahayag ni Jessalyn Grace Phanouvong laban sa inang si Kelly Anne sa recent YouTube video.
Si Jessalyn ay dating child content creator sa U.S. Katuwang niya sa pagpo-produce ng mga fashion, beauty, at back-to-school videos ang inang si Kelly Anne.
Ayon kay Jessalyn, nakaranas umano siya ng physical, financial, at psychological abuse.
Binura rin daw ng ina ang recent videos ni Jessalyn sa kanyang latest YouTube account, na nagbubunyag ng umano'y naranasang pang-aabuso ng dalaga mula sa inang si Kelly Anne.
Read: Japan looking for 350 Pinoy nurses and care workers
JESSALYN GRACE’S ACCUSATIONS VS. MOM
Ang Laotian-American YouTuber ay 18 years old na ngayon, at nag-aaral sa University of California, Berkeley, kung saan kumukuha siya ng film and media studies.
Bumukod na siya mula sa pamilya.
Mayroon na rin siyang bagong YouTube channel, at siya na ang nagma-manage ng earnings nito.
Sa video na ipinost niya noong March 4, 2026, ibinahagi ni Jessalyn ang aniya'y exploitation at pang-aabusong naranasan mula sa sariling ina.
Mayroon na itong 1.146 million views at press time.
Pero hindi ito ang unang video kunsaan naglabas ng mga alegasyon si Jessalyn laban sa ina.
“This is how my mom exploited me for money as a child and simultaneously subjected me to years of verbal, financial, and of course, physical abuse,” bungad ng content creator sa kanyang latest upload.
KELLY ANNE ALLEGEDLY DELETES JESSALYN'S YOUTUBE CONTENT
Tinangka umano ni Kelly Anne na mag-log in sa current account ni Jessalyn gamit ang iPad, na dating pagmamay-ari ng huli, pero ipinapagamit na ngayon sa kapatid.
Kasama raw sa mga binura ang mga pahayag at paratang ni Jessalyn laban sa ina.
Dahil dito, nagdesisyon daw ang Youtuber na gumawa ulit ng isa pang video na may script na hawak, “so I don't miss anything…”
Sabi niya, sa simula’t simula ay mayroon na siyang “rocky relationship” sa ina…"and it just got worse and worse as the years went on.”
KELLY ANNE "CONTROLLED" what JESSALYN would say in YOUTUBE videos
Noong 2016, pinayagan daw siyang gumawa ng sariling YouTube channel na Jessalyn Grace.
Sa tulong ng ina, nagkaroon siya ng 1.5 million subscribers pagsapit ng 2018.
Pero pagbubunyag niya: “In doing YouTube, I had to deal with years of verbal abuse and sometimes physical abuse whenever I would make a video.
"My mom controlled what I posted and what I would say on camera.
“Everything had to be perfect and fake. If I misspoke, said the wrong line, or made the wrong face, she would scream and shout at me.
“And I was 11 getting called a f*cking b*tch because I wasn't able to say things correctly on camera after being fed lines of words two minutes before the camera would roll.
"But it didn't matter because my mom wanted the money. We needed the money.”
Pagtuntong ng high school, sobra raw siyang na-burn out sa paggawa ng videos.
“I know for a fact that my mom truly wanted me to succeed. She just went about it the wrong way,” ani Jessalyn.
KELLYN ALLEGEDLY SPENT JESSALYN'S YOUTUBE EARNINGS
Dahil bata pa, hindi raw niya na-realize noon na nai-exploit na siya.
Wala raw siyang kamalay-malay pagdating sa financial aspect ng kanyang pagiging YouTuber.
Hindi raw niya alam kung magkano ang perang pumapasok. Hindi rin daw niya alam noon na kakarampot lamang ang napupunta sa kanyang savings para sa college.
“Since being in college, fully supporting myself, it feels so discouraging to know that no one thought or advocated to set me up for better financial standing, especially knowing that I wanted to go to a four-year university," lahad ni Jessalyn sa kanyang latest video.
Sa tingin niya, naubos ang kanyang earnings dahil sa ina.
“I am a self-supporting college student receiving no financial help from someone who had me as her sole provider for years.
“My mom's a spender. I'm sure most of my income went into her extensive handbag collection.”
Bukod sa bags, may Labubu collection din daw si Kelly Anne.
“It's funny that she was able to spend so much money on handbags, clothes, furniture, but when it came to setting me up for financial success, we were suddenly not doing so well or didn't have enough money.”
Inisa-isa ni Jessalyn ang iba pang mga umano'y luho ng ina tulad ng mga damit at alahas.
May sinabi rin ang dalaga tungkol sa kanyang stepfather at sa kasal ng mga magulang.
“And I knew about this affair before my parents decided to drop thousands and thousands of my earnings on a grand wedding.
"My stepdad was invited, too, and showed up to it while being in a relationship with my mom.”
Why Jessalyn Is Speaking Out About Her Mom
Pero bakit umabot sa social media ang kanilang hindi pagkakaunawaan?
Ang litanya ni Jessalyn: “What kind of mom has such disregard and hatred for a daughter who has only given her respect that she probably doesn't deserve?
“A daughter who took care of and loved your other children and spent years making content that you controlled and signed contracts that you decided only to save little to nothing when I turned 18.
“And yet, you still have the audacity to say that I'm being brainwashed, I'm being fed lies, that I'm lying.
“So, here's how the rest of the video is going to go along with some screenshots and other receipts.”
Nag-flash sa video ang mga screenshots na, ayon kay Jessalyn, ay pruweba ng kanyang mga paratang laban sa ina.
“You should have left me alone, left my content alone, and I wouldn't have to resort to this, but it is. So that's just the consequences of your actions,” buwelta niya sa ina.
Saad ni Jessalyn, lagi raw silang nagtatalo ni Kelly Anne.
“In fact, everything I did irked her," dagdag niya.
Nagagalit daw ang kanyang ina kapag hindi niya ito binabanggit sa kanyang posts.
Kapag daw nagkakaroon sila ng alitan, pinaparusahan siya sa pamamagitan ng pag-ground sa kanya.
“The only way I could get out of my punishment was if I showed my respect to her by posting YouTube videos.”
Ilan daw sa mga videos na ginawa ni Jessalyn ay para matanggal ang parusa sa kanya kahit labag daw sa kanyang kalooban.
Read: Why it is advisable to keep multiple savings accounts
GETTING READY FOR COLLEGE
Nang mag-graduate sa high school at naghahanda si Jessalyn para magkolehiyo sa UC Berkeley, kumokontra raw ang ina.
Ayon kay Jessalyn, gusto ni Kelly Anne na kumuha siya ng kursong stable ang income tulad ng nursing.
Noong humingi raw siya sa ina ng recommendation letter for college: “My mom ultimately told me that she had nothing to write because she didn't know what good qualities I had.”
Hindi raw masaya ang kanyang ina nung nakapasa siya sa UC Berkeley.
Hindi rin masaya si Jessalyn sa pagkakaroon niya ng 8:00 P.M. curfew. Kung sakaling gagabihin, kailangan niya raw itong ipaalam ilang linggo bago ang lakad. Dahil kung last-minute, hindi raw siya papayagan.
“Even though I had already graduated high school and and I was going to Berkeley in the fall, I had my license and everything, but I was still being treated like a middle schooler.”
Pinagtatalunan daw nilang mag-ina ito araw-araw.
MOVING OUT
Idinetalye ni Jessalyn ang insidente kung bakit nagdesisyon siyang umalis ng bahay.
Nagsimula raw ito sa nawawalang curling iron ng ina.
Buong araw raw hinanap ito ni Jessalyn at ng kanyang kapatid habang nasa labas ang kanilang ina.
Nang dumating daw si Kelly Anne, hindi pa rin nakita ang curling iron kaya nagwala raw ito.
“She cussed me out, cussed my sister out again, livid over this iron," hayag ni Jessalyn.
Pumasok daw si Jessalyn sa kanyang kuwarto, pero hindi raw siya tinantanan ni Kelly Anne.
Dahil doon, nag-away daw sila.
“She proceeded to slap me, shove me, and scream. I told her she couldn't hit me anymore because I'm 18.”
Kinumpiska rin daw ng ina ang kanyang gadgets para matiyak na hindi makakapagsumbong si Jessalyn sa ibang tao.
Nang makakita raw ng pagkakataon, naglayas si Jessalyn.
“I didn't tell them I was leaving. I just left, which is why she's blown up these last few months and has done anything in her power to make my life harder.”
Hindi pa rin daw siya tinatantanan ng ina.
Sinagot ni Kelly Anne sa Facebook ang unang video na in-upload ni Jessalyn.
Natawa raw si Jessalyn sa post ng ina.
“I laughed because here she was writing this as a concerned, loving mother, writing this as if I went rogue completely out of nowhere.”
Kung totoo man ang post nitong concerned si Kelly Anne sa anak, tanong ni Jessalyn, “Why did you take down every single post about me?"
Para kay Jessalyn, nagsasabi lang daw siya ng totoo.
“This isn't me accusing you of abuse. This is me telling the truth about the abuse.
“You exploited me and I let it happen. And I didn't realize it until I got older because I was your child. I am your child.
"And as a mom, you had a responsibility you couldn't fulfill. And that's the clarity that I needed.”
Humingi ng sorry si Jessalyn sa mga subscribers dahil sa pagkakabura ng kanyang videos, pero sinabi niyang gagawa uli siya ng mga bago.
KELLY ANNE RESPONDS
Sunud-sunod naman ang posts ni Kelly Anne kasunod ng mga alegasyon ni Jessalyn.
Sa kanyang latest post noong March 6, 2026, tila pambungad ni Kelly Anne ang sigalot nilang mag-ina na pinagpipiyestahan ngayon.
Aniya sa post: “If you are coming from Jessa’s viral YT video (since she has exposed my facebook page) to slander me.
"Below are the evidence I have gathered for you. I will not go back and forth with trolls anymore."
KELLY ANNE: JESSALYN HAS MADE ME THE VILLAIN IN HER STORY
Makikita rito na January 2026 nagsimula ang away nila ng anak, at January 17 ang petsa ng post ni Kelly Anne ukol kay Jessalyn, na ginawang content ang paglalayas.
Sabi ni Kelly Anne, pinili raw niyang manahimik upang protektahan ang anak dahil public figure ito.
“As her mom I felt that I had a duty to protect my child and continue to uphold her image as I have always done so. It is a private family matter that should have not been made public,” parte ng kanyang post.
“Recently I was informed that she has released a second video and has made me the villain in her story.
“I am beyond distraught, and still in disbelief.
“I have been dealing with a great amount of emotional distress for the past 7 months, grieving for my child who had disconnected from me.”
Sa pagkakataong ito, kailangan na raw niyang magsalita “to protect myself for the sake of my family and my two kids that I still have to care for.”
Pasaring niya kay Jessalyn: “Abuse allegations are a serious matter. The false narrative dialogue to tarnish my character and integrity is detrimental.”
KELLY ANNE: JESSALYN is "misguided"
Tingin din ni Kelly Anne, may nagsusulsol sa anak.
“I am unsure if my daughter had been persuaded, enabled, and aided to do what she is doing.
“She has been misguided, praised, and supported for her actions by peers and adults.
“I am concerned for her safety in this matter as she is still an impressionable teen with a vulnerable state of mind.”
Sumunod niyang post ay noong March 5, matapos daw ang tatlong linggong pagde-deactivate ng social media.
Sabi niya, wala siyang contact kay Jessalyn simula pa noong July 2025.
Wala rin daw siyang access sa bagong YT channel ng anak. Ibig sabihin, itinatanggi niya ang paratang ni Jessalyn na siya ang nagbura sa mga videos ng channel.
ON LETTER OF RECOMMENDATION, MONEY
Sa mga sumunod na pahayag at posts ni Kelly Anne, sinagot niya ang mga alegasyon ng anak.
Kalakip ng March 5 post ang screenshot ng letter of recommendation ni Kelly Anne sa councilor ng anak para sa college application ni Jessalyn.
Mababasa sa application na pinuri ng ina ang anak.
Pagdating naman sa usaping pera, mayroon daw silang management company upang matiyak na ang earnings ni Jessalyn ay napupunta sa kanyang Coogan account na makukuha niya pagtuntong ng 18.
Ang Coogan ay isang specialized trust fund kunsaan ang 15 percent ng earnings ng child performer ay itinatabi at makukuha niya pag nasa tamang edad na ito.
May saksi raw si Kelly Anne dito.
“Your girl was not [Macaulay] Culkin ok! And she was not the only source of income for our family either!"
Tila patutsada ito kay Jessalyn na hindi kasinglaki ang kinikita ng YT channel tulad ng iniisip ng iba.
Kasunod nito ay naglitanya si Kelly Anne na siya ang nagpakapagod sa YT channel ng anak para maging successful ito.
ON KELLY ANNE'S alleged affair and JESSALYN's claims of verbAl and physical abuse
Itinanggi rin niya ang akusasyong nagkaroon si Kelly Anne ng affair. Wala rin daw ang sinasabing ka-affair na iyon sa grand wedding na binanggit ni Jessalyn.
“This is so embarassing that my own daughter is doing this to me,” sabi ni Kelly Anne.
Itinanggi rin niya ang paratang na inaabuso ang anak.
“Even more the verbal & physical abuse she claimed that took place,” sabi ni Kelly Anne.
“It was not just me and her living in our home so why wasn’t CPS called out?” patukoy sa Child Protection Services.
“Where is the evidence to that verbal & physical abuse? Do we need statement’s from people in our home? Her siblings, both dads?
“People say don’t react, just let it be, stay silent, it’s a trend right now with this era —-Put yourself in my shoes for once. Enough is enough.”
Aniya, apat na videos na ang ginawa ni Jessalyn at lahat ay paninirang-puri sa kanya.
“Bringing upon unnecessary drama and cyberbullying to me, her own mom!!!! Im humiliatied and beyond livid,” published-as-is post ni Kelly Anne.
Sa March 6 post, inilagay ni Kelly Anne ang screenshots ng kanyang palitan ng mensahe kay Jessalyn, bilang patunay raw na hinahanap niya ang anak nung gabing hindi ito umuwi.
“This is to show that I was in fact worried and looking for her after realizing later on that she ran away,” parte ng post ni Kelly Anne.
Hindi rin daw niya alam na naglayas si Jessalyn at nalaman lamang niya ito mula sa mga kapatid.
ON NOT LETTING JESSALYN DRIVE A CAR
Sinabi rin ni Kelly Anne ang rason kung bakit hindi niya pinapayagang mag-drive si Jessalyn.
“At that time. she was irresponsible and kept randomly leaving campus, did not care to inform me of her whereabouts. She did not care to gain the trust back that she broke with us.”
Pati ang personal relationship at personal details ng anak ay ibinunyag ni Kelly Anne sa kanyang post.
Ayon sa ina, pinapasok daw ni Jessalyn ang boyfriend nito sa kuwarto noong siya ay 16-anyos lamang.
Dahil daw roon, “Boundaries and rules had to be set after that.”
Isiniwalat din ni Kelly Anne ang trip ni Jessalyn sa Costa Rica pati ang intimate details nito with her boyfriend.
“…during the trip, she went into her boyfriend’s hotel room where rumors than started circulating on campus after the trip that he had kicked his room mates out..."
Sinikap daw niyang igiya ang anak papunta sa tamang landas lalo't public figure ito.
Iyon daw ang dahilan kung bakit tinanggalan niya ito ng car privilege.
Himutok ng ina, “She started to plant seeds amongst her peers and their parents, portraying that I was abusive.”
Hindi rin daw niya alam ang planong paglalayas ng anak.
“I did not want to expose her of this, but it’s the truth and what really happen needed to come out.”
Saad niya pa (published as is): “Im tired of her making me the villian and trying to destroy me with lies so that she can keep blaming me.
“I never imagine my daughter making me out to be her enemy. Being labeled as ‘the abuser’ the horrible mom and accuse of exploiting her.”
Kumalat sa iba’t ibang social media platforms ang isyu ng mag-ina.
Marami ang nakikisimpatiya kay Jessalyn.
May mga nag-call out din sa YouTube na dapat ay hindi i-monetize ang content na ginagamit ang minor children.
May ilang kaibigan naman ang pamilya na pumanig sa ina.