Nagkasundo na ang aktres na si Blake Lively at ang actor-director na si Justin Baldoni matapos ang mahigit isang taon at kalahating legal battle.
Inakusahan ni Lively si Baldoni ng sexual harassment sa set ng kanilang 2024 movie na It Ends With Us, na base sa nobela ni Colleen Hoover.
Sa pamamagitan ng isang joint statement na inilabas ng kanilang mga kampo, kinumpirma ng dalawa na nagdesisyon silang tapusin na ang kanilang legal dispute.
Nakasaad sa statement: “The end product — the movie It Ends With Us — is a source of pride to all of us who worked to bring it to life.
"Raising awareness, and making a meaningful impact in the lives of domestic violence survivors — and all survivors — is a goal that we stand behind.
"We acknowledge the process presented challenges and recognize concerns raised by Ms. Lively deserved to be heard.
"We remain firmly committed to workplaces free of improprieties and unproductive environments.
"It is our sincere hope that this brings closure and allows all involved to move forward constructively and in peace, including a respectful environment online.”
Naganap ang pagkakasundo ng magkabilang panig dalawang linggo bago ang kanilang federal trial.
Read: Blake Lively accuses Justin Baldoni of sexual harassment
ALLEGATIONS AND LAWSUITS
Nagsimula ang legal war sa pagitan nina Lively at Baldoni noong December 2024, nang mag-file ng administrative complaint ang aktres sa California Civil Rights Department.
Halos kasabay nito ang paglabas ng isang mahabang article sa New York Times na nagsisiwalat ng text messages mula sa publicists ni Baldoni, kung saan nag-strategize sila kung paano sasagutin ang mga alegasyon ni Lively.
Sinagot ito ni Baldoni sa pamamagitan ng defamation lawsuit sa federal court.
Alegasyon ng actor-director, sinira ng aktres ang kanyang reputasyon sa pamamagitan ng walang katotohanang paratang na harassment sa intensiyon umano nitong kunin ang kontrol ng kanilang pelikula.
Kinasuhan din ni Baldoni ang New York Times.
Read: Justin Baldoni counters Blake Lively's case with defamation suit
Bilang sagot, nagkontra-demanda si Lively laban kay Baldoni, sa Wayfarer Studios, at ilan pa ng harassment at iba pang claims.
Ang Wayfarer Studios, kung saan co-founder si Baldoni, ang nagprodyus ng It Ends With Us.
Ibinasura kaagad ang defamation suit ni Baldoni.
Ayon sa judge, parehong protektado si Lively at ang New York Times ng mga pribilehiyong sumasakop sa litigation o paglilitis at sa pagre-report tungkol dito.
Makalipas ang mahigit isang taon, ibinasura naman ng korte ang karamihan ng civil claims ni Lively.
Sa 13 civil claims ng aktres, sampu ang na-dismiss, kabilang ang lahat ng harassment claims.
Ang tatlong natira ay retaliation, aiding and abetting retaliation, at breach of contract na dapat ay dedesisyunan ng jury.
Makikita sa YouTube vlogs na maraming industry observers ay kumikiling kay Baldoni.
Mas naniniwala silang may ibang motibo si Lively sa pagsampa ng harassment cases laban kay Baldoni at ito ay ang makuha ng aktres ang credit para sa isang pelikulang kinunceptualize, isinulat, prinodyus, at idinirihe ni Baldoni bago pa man nakuhang artista si Lively para sa pelikula.
Read: Blake Lively complaints against Justin Baldoni dismissed