Pumanaw na si Toshifumi Suzuki sa edad na 93.
Si Suzuki ang nagdala sa Japan ng 7-Eleven o “konbini," ang short-term para sa Japanese phrase na “konbiniensu sutoru,” na ang English translation ay convenience store.
Ulat ng AP News, binawian siya ng buhay sa kanyang tahanan dahil sa heart failure, ayon sa kumpanyang Seven & i Holdings, ang business empire na itinayo ni Suzuki noong 2005.
Siya ang dating chairman at chief executive officer ng kumpanya, at kalaunan ay naging honorary member.
Isinilang si Suzuki sa Nagano Prefecture noong 1932.
Nagtapos siya ng Economics mula sa Chuo University, isang prestihiyosong unibersidad sa Tokyo.
Coincidentally, bago siya naging owner, nagtrabaho muna si Suzuki sa Ito-Yokado, na bukod sa groceries ay nagbebenta rin ng mga damit at cosmetic products.
Kalaunan, pinasok niya ang industriya ng convenience store, at naging owner ng 7-Eleven at Ito-Yokado (grocery store chain), pati na rin ng Denny’s Japan (restaurant chain).
Read: Barbie Imperial reacts to claims she’s copying Sarah Lahbati
FROM 7-eleven FRANCHISE PARTNER to owner
Noong 1974, nagbukas siya ng mga 7-Eleven stores sa Japan.
Si Suzuki ay nakipag-partner bilang franchisee ng U.S. 7-Eleven, kunsaan ito unang itinayo.
Taong 1927 sinimulan ng American businessman na si Joe C. Thompson sa Dallas, Texas, ang 7-Eleven.
Una muna itong naging tindahan ng ice blocks para sa mga kabahayan.
Kalaunan, nadagdagan ang mga ibinebenta ng iba pang items tulad ng itlog, tinapay, at gatas, kaya naging “convenience store” na siya.
Noong ‘90s, naharap sa financial crisis ang U.S. business company, at binili ni Suzuki ang malaking shares ng U.S. corporation.
Pagsapit ng 2005, naging fully-owned business na ni Suzuki ang 7-Eleven.
Sa ngayon, mayroong tinatayang 80,000 branches ito sa iba’t ibang bahagi ng mundo.