Pumanaw na ang British actor na si Tim Curry, ang iconic star ng The Rocky Horror Picture Show, sa edad na 80.
Ayon sa kanyang longtime manager at kaibigang si Marcia Hurwitz, namatay si Curry sa kanyang tahanan sa Los Angeles, California, noong Martes, Agosto 25, 2026.
Wala pang inilalabas na opisyal na dahilan ng kanyang pagkamatay.
Ngunit ilang taong nakipaglaban si Curry sa mga epekto ng isang major stroke na nangyari noong 2012.
Bunsod nito, gumamit siya ng wheelchair at nabawasan ang kanyang on-camera appearances, ngunit nagpatuloy pa rin siya sa voice acting at paminsan-minsang pag-arte.
TIM CURRY BECAME AN ICON AS FRANK-N-FURTER
Isinilang si Timothy James Curry noong Abril 19, 1946, sa Cheshire, England.
Nag-aral siya ng drama at English sa University of Birmingham bago nagsimulang magtrabaho sa London theater.
Nagsimula ang kanyang professional acting career sa London production ng Hair noong 1968. Kalaunan, napabilang siya sa Royal Shakespeare Company at Royal Court Theatre.
Ngunit ang papel na tuluyang nagpabago sa kanyang buhay ay si Dr. Frank-N-Furter sa The Rocky Horror Show.
Noong 1973, ginampanan niya ang karakter sa original London stage production ni Richard O’Brien.
Nang isalin ito pelikula, muling ginampanan ni Curry ang papel sa 1975 The Rocky Horror Picture Show.
Bagamat hindi agad naging box-office sensation ang pelikula, nagkaroon ito ng napakalaking cult following sa pamamagitan ng midnight screenings.
Naging bahagi ng pop culture ang pelikula dahil sa mga awitin gaya ng “The Time Warp” at sa kakaibang karakter ni Frank-N-Furter.
Dahil sa performance ni Curry, naging isa si Frank-N-Furter sa mga pinakakilalang karakter sa kasaysayan ng cult cinema.
Read: Shirley Kuan says Bea "never defended me" amid wedding issue
TIM CURRY'S OTHER MEMORABLE CHARACTERS
Sa kanyang halos anim na dekadang career, naging trademark ni Curry ang pagganap sa mga eccentric, flamboyant, at kadalasang kontrabidang karakter.
Bagamat habambuhay siyang maaalala bilang Frank-N-Furter, malawak ang naging range ni Curry bilang aktor.
Ginampanan niya si Rooster Hannigan sa Annie (1982), Darkness sa Legend (1985), at Wadsworth sa Clue (1985).
Naging memorable din siya bilang Pennywise sa 1990 television adaptation ng nobelang It ni Stephen King, isang papel na nagpakilala sa kanya sa bagong henerasyon ng horror fans.
Kabilang pa sa kanyang mga pelikula ang The Hunt for Red October (1990), Home Alone 2: Lost in New York (1992), The Three Musketeers (1993), at Muppet Treasure Island (1996).
Sa Home Alone 2, ginampanan niya ang concierge ng Plaza Hotel na si Mr. Hector, habang sa Muppet Treasure Island naman ay si Long John Silver.
AWARD-WINNING STAGE ACTOR
Hindi lamang sa pelikula at telebisyon nagtagumpay si Curry.
Tatlong beses siyang nominado sa Tony Awards para sa kanyang Broadway performances.
Kabilang dito ang kanyang portrayal bilang Mozart sa Amadeus, Alan Swann sa My Favorite Year, at King Arthur sa Spamalot.
Para naman sa kanyang voice work, nagwagi siya ng Daytime Emmy Award noong 1991 para sa kanyang performance bilang Captain Hook sa animated series na Peter Pan and the Pirates.
Nakatanggap din siya ng Grammy nomination para sa audiobook recording ng A Series of Unfortunate Events noong 2002.
Read: Niño Muhlach admits falling asleep at the wheel in Antipolo crash
TIM CURRY AS A VOICE ACTOR
Malaki rin ang naging bahagi ng voice acting sa huling bahagi ng kanyang career.
Kabilang sa kanyang mga kilalang voice roles si Nigel Thornberry sa The Wild Thornberrys at Captain Hook sa Peter Pan and the Pirates.
Nagtrabaho rin siya sa animated projects gaya ng Star Wars: The Clone Wars at The Adventures of Jimmy Neutron, Boy Genius.
Dahil sa kanyang malalim at natatanging boses, naging in-demand siya bilang voice actor at audiobook narrator.
TIM CURRY CONTINUED ACTING WORK AFTER STROKE
Noong 2012, nakaranas si Curry ng major stroke na nakaapekto sa kanyang kakayahang maglakad.
Sa mga sumunod na taon, gumamit siya ng wheelchair at mas naging limitado ang kanyang live-action appearances.
Gayunman, hindi niya tuluyang iniwan ang entertainment industry.
Bumalik siya sa Rocky Horror universe bilang The Criminologist sa 2016 television adaptation na The Rocky Horror Picture Show: Let's Do the Time Warp Again.
Noong 2020, muli niyang ginampanan si Frank-N-Furter sa isang virtual benefit reading ng The Rocky Horror Show.
Noong 2024, lumabas din siya sa horror movie na Stream, isa sa kanyang mga huling on-screen appearances.
Interestingly, pumanaw si Tim Curry sa parehong araw kung kailan pumanaw ang Queen of Country na si Dolly Parton: August 25, 2026.
Pareho rin sila ng taon ng kapanganakan (1946) at edad ng kamatayan (80).