Gumawa ng bagong kasaysayan ang Apple TV+ comedy series na Widow's Bay sa 78th Primetime Emmy Awards, na ginanap sa Peacock Theater sa Los Angeles, California, nitong Lunes, Setyembre 14, 2026 (Philippine time).
Muli namang itinanghal na Outstanding Drama Series ang HBO Max medical drama na The Pitt.
Marami ring record at milestones ang nasungkit ng mga bituin, kabilang ang makasaysayang panalo nina Jean Smart at Matthew Rhys.
Biggest winner sa 2026 Emmys ang Widow’s Bay, na nag-uwi ng 14 Emmys kabilang na ang Outstanding Comedy Series.
Nalampasan na nito ang dating record na 13 awards ng The Studio noong 2025.
Kabilang sa mga nagwagi mula sa Widow's Bay sina Matthew Rhys bilang Outstanding Lead Actor in a Comedy Series, Stephen Root bilang Supporting Actor, at Kate O’Flynn bilang Supporting Actress.
Nagwagi rin ang Widow's Bay para sa comedy writing at directing.
Kapansin-pansin ang record-breaking achievement na ito dahil first season pa lamang ng Widow’s Bay.
Bulod sa panalo niya bilang Outstanding Lead Actor in a Comedy Series para sa Widow’s Bay, nakuha rin niya ang Outstanding Lead Actor in a Limited or Anthology Series or Movie para sa Netflix series na The Beast in Me.
Dahil dito, si Rhys ang unang nakapag-uwi ng dalawang lead acting Emmy sa iisang taon.
Read: Alden Richards breaks down as he opens up about pressure to find love at 34
THE PITT WINS BEST DRAMA SERIES AGAIN
Kung namayagpag ang Widow’s Bay sa comedy, muli namang nangibabaw ang The Pitt sa drama.
Ikalawang sunod na taon nang itinanghal na Outstanding Drama Series ang HBO Max medical series.
Muli ring nakuha ng bida nitong si Noah Wyle ang Outstanding Lead Actor in a Drama Series award.
Pumasok ang The Pitt sa 2026 Emmys bilang pinakamaraming nominasyon na programa, na may 25 nominations kabilang ang walong acting nominations.
JEAN SMART MAKES EMMY HISTORY
Isa sa pinakamalaking milestone ng gabi ang panalo ni Jean Smart.
Nakuha ng Hacks star ang Outstanding Lead Actress in a Comedy Series sa ikalimang sunod na pagkakataon.
Dahil dito, si Smart ang kauna-unahang babae na nanalo ng acting Emmy para sa bawat season ng isang seryeng tumakbo ng mahigit tatlong seasons.
Ito rin ang ika-walong Emmy sa career ng beteranang aktres.
Dahil sa kanyang panalo, kahilera na niya sina Cloris Leachman at Julia Louis-Dreyfus sa hanay ng performers na may pinakamaraming acting wins sa Emmy history.
Kabilang na rin sa grupong ito si Allison Janney matapos ang kanyang sariling acting victory ngayong taon.
Read: Filipiñana chosen as Philippines’ official entry to Oscars 2027
OTHER 2026 EMMY MILESTONES
Samantala, sa wakas ay naiuwi na rin ni Rhea Seehorn ang kanyang kauna-unahang Emmy.
Nanalo siya bilang Outstanding Lead Actress in a Drama Series para sa Pluribus.
Tinalo niya ang iba pang nominees, kabilang ang Euphoria star na si Zendaya.
Isa pang milestone ang naitala ng veteran actress na si Sally Field.
Nanalo siya bilang Outstanding Lead Actress in a Limited or Anthology Series or Movie para sa Remarkably Bright Creatures.
Sa edad na 79, siya na ngayon ang pinakamatandang babaeng nanalo sa naturang kategorya.
Isa sa emotional moments ng gabi ang pagkilala kay Michael J. Fox, na ginawaran ng Bob Hope Humanitarian Award.
Ang Law & Order: Special Victims Unit star na si Mariska Hargitay ang nagsilbing host ng seremonya.
Emmys 2026 winners
Narito ang listahan ng mga nanalo sa 78th Primetime Emmys:
Outstanding Drama
The Pitt
Lead Actress in a Drama
Rhea Seehorn, Pluribus
Lead Actor in a Drama
Noah Wyle, The Pitt
Supporting Actress in a Drama
Allison Janney, The Diplomat
Supporting Actor in a Drama
Tom Pelphrey, Task
Outstanding Comedy
Widow’s Bay
Lead Actress in a Comedy
Jean Smart, Hacks
Lead Actor in a Comedy
Matthew Rhys, Widow’s Bay
Supporting Actress in a Comedy
Kate O’Flynn, Widow’s Bay
Supporting Actor in a Comedy
Stephen Root, Widow’s Bay
Outstanding Reality Competition Program
The Traitors
Outstanding Limited or Anthology Series
DTF St. Louis
Lead Actress in a Limited or Anthology Series or Movie
Sally Field, Remarkably Bright Creatures
Lead Actor in a Limited or Anthology Series or Movie
Matthew Rhys, The Beast in Me
Outstanding Scripted Variety Series
The Late Show With Stephen Colbert
Outstanding Writing for a Comedy Series
Widow’s Bay (Katie Dippold for “Welcome to Widow’s Bay”)
Outstanding Directing for a Comedy Series
Widow’s Bay (Hiro Murai for “Welcome to Widow’s Bay”)
Outstanding Writing for a Drama Series
Pluribus (Vince Gilligan for “We Is Us”)
Outstanding Directing for a Drama Series
Slow Horses (Saul Metzstein for “Scars”)
Outstanding Writing for a Limited or Anthology Series or Movie
DTF St. Louis (Steven Conrad)
Outstanding Directing for a Limited Series or Movie
DTF St. Louis (Steven Conrad)