Para sa Manila-based traveler na si Richard Clara, kilala sa palayaw na Ric, isa sa magandang naidulot sa kanya ng pandemya ay naibili niya ng sariling bahay ang kanyang ina na isang single mom.
Hiling daw iyon ng kanyang Nanay Rosario.
Kaya naman sa ika-72nd birthday nito noong October 9, 2021, bagong two-storey house ang sorpresa ni Ric at ng kanyang Kuya Mark sa ina.
Noong Oktubre 23, personal na nakakuwentuhan ng PEP.ph (Philippine Entertainment Portal) si Ric.
Bungad niya, “I think something good that came out of this pandemic is that I got the courage to invest in a property and to finally make my Nanay's request into reality.”
TRAVEL REFUNDS, CANCELED FLIGHTS
Hilig ni Ric ang pagtatravel, at matagal na raw siyang kinukumbinse ng kanyang ina na bawasan na ang kanyang mga travels, at mag-invest na lang.
Pangarap raw niya na mabisita lahat ng probinsya sa ating bansa.
Sabi pa niya sa PEP.ph, “Personally, ayoko din kasi sana mag-invest kasi it's a very long commitment.
"And ang dami ko pang lugar sa Pilipinas at sa ibang bansa na balak puntahan.”
Ani Ric sa kanyang Facebook post, “Inuna ko kasi ubusin ang probinsya sa Pilipinas #Project81.
“No regrets naman, pero this time it means lesser travel na lang, hindi na once a month! HAHA!”
Pero ayun nga, sinunod niya ang payo ni Nanay Rosario sa kanya.
Nagkataon pa, nangyari ang COVID 19 at dahil sa kanyang travel refund at canceled flights, naging posible ang pagtupad ni Ric sa matagal nang pangarap ng ina.
Aniya, “And then the pandemic hits, no choice but to cancel all of my flights.
“Since canceled na lahat ng travel ko and June last year was the surge of COVID positive cases here and abroad, I took it as a sign to put my savings into good use.
“Ang daming bumalik na flight refunds 'tapos nakaipon talaga ako dahil walang travel.
“So, naghanap na kami properties na available come July and August.”
Sa huli, paalala niya sa lahat, “Always Make Your Momma Proud! #MYMP.”
BEST BIRTHDAY EVER
Pagbabahagi pa niya, “It was our Mom's 72nd birthday and we said that we'll just have a family lunch in a restaurant owned by my friend somewhere in White Plains.
“Last year pa namin plan na i-surprise siya, na finally, bumili na kami ng property sa mismong araw ng birthday niya.
“So, she had no idea na bago pumunta sa restaurant, dadaan muna kami dun sa property na binili namin.
“Nagtataka siya at first kasi bakit daw pumasok kami sa subdivision. May kumakain daw ba sa area na yun kasi residential?
“And then we arrived sa property, 'tapos sobrang natuwa sya.
“Super happy daw ang birthday niya.”
Hindi pa tapos ang kanyang new house na nasa isang subdivision sa Cainta, Rizal, pero best birthday ever na raw ito ni Nanay Rosario.
Originally from Bulacan ang pamilya nila na ngayon ay nagrerenta ng bahay sa Sampaloc, Manila.