Bosses contacting employees after work hours a "serious" offense in Portugal

Nov 13, 2021
portugal law illegal call after work hours
In Portugal, employers calling employees on work-related matters after business hours are committing a "serious" offense.
PHOTO/S: unsplash

Sa Portugal, itinuturing na “serious” offense ang pagtawag ng boss sa kanyang trabahador kapag tapos na ang work hours.

Ang panukala ay naipasa ng parliament ng Portugal noong November 5, 2021, at nagkabisa kaagad kinabukasan, ulat ng CNN.

Bunsod nito, ilegal na sa Portugal ang pakikipag-communicate ng isang boss sa empleyado kapag tapos na ang oras ng trabaho.

Ang batas ay nagbabawal sa mga employer na istorbohin ang kanilang employees—mapa-tawag man, email, o message—kapag tapos na ang kanilang work hours.

Nakasaad sa batas, “The employer must respect the privacy of the worker," kabilang na rito ang oras para sa pahinga at family time.

Saad pa rito, ang paglabag ay maituturing na "serious" offense at maaaring mauwi sa pagmumulta ng employer.

Ang hakbang na ito ay bahagi ng pagre-regulate ng mga mambabatas sa Portugal pagdating sa usaping work-from-home o remote work.

May karapatan na rin ang mga empleyado na mamili kung gusto o ayaw nila ng remote work.

Continue reading below ↓

Nakasaad din sa batas na inoobliga ang mga employer na mag-provide ng kinakailangang kagamitan kung choice ng mga empleyado ang remote work.

Inoobliga rin ang employers na i-shoulder o i-reimburse ang additional expenses— kagaya ng kuryente at gasolina—ng kanilang mga manggagawa sa kanilang remote work.

Pero hindi na rin bago ang ganitong batas.

Sa katunayan, taong 2017 nang ipatupad ang labor law sa France, kung saan ang mga empleyado ay binigyan ng “right to disconnect” mula sa kanilang emails, mobile phones, at iba pang electronic devices na konektado sa trabaho, kapag tapos na ang kanilang work hours.

Sabi ng Ministry Labor ng France sa isang pahayag, "These measures are designed to ensure respect for rest periods and ... balance between work and family and personal life,"

Base sa pag-aaral ng Gartner, isang U.S.-based technology research and consulting company, pagdating sa global workforce, ang remote workers ay aakyat sa 32 percent sa pagtatapos ng 2021, kumpara sa 17 percent noong 2019.

Continue reading below ↓

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
In Portugal, employers calling employees on work-related matters after business hours are committing a "serious" offense.
PHOTO/S: unsplash
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results