Sumasabak na rin sa live online selling ang persons deprived of liberty (PDL) ng Sorsogon City District Jail (SCDJ), kasunod ng pagtama ng pandemya.
Ang mga preso sa SCDJ ay binibigyan ng pagkakataong maging mas productive kahit sila ay nasa likod ng rehas.
Isa na rito ay ang pagkakaroon ng livelihood program, kung saan gumagawa sila ng handwoven products, gaya ng mga basket, tissue holder, at lamp shades.
Nakakalikha rin sila ng mga makukulay na lanyards, bags, wallets, at bracelets na gawa sa beads.
Ang kanilang mga produkto ay may price range na PHP40.00 hanggang PHP950.00, excluding shipping fee, ayon sa ulat ng TV Patrol noong October 2021.
Dahil malapit na ang Kapaskuhan, idinagdag nila sa kanilang mga produkto ang makukulay na parol.
Pero naapektuhan ang kanilang negosyo nang tumama ang pandemya.
Hindi rin nakakabisitaang kanilang mga mahal sa buhay na tumutulong magbenta ng products.
Kaya sinubukan ng mga PDLs na ito sa Sorsogon ang patok na live online selling.
Todo-suporta naman sa kanila ang mga tauhan ng SCDJ at may partisipasyon pa sa adhikain ng mga preso.
Kapag nag-“mine” na ang mga customers nila sa online selling, ang mga tauhan ng SCDJ ang magpoproseso ng payment at shipment ng mga produkto.
Sa pamamagitan nito, matitiyak na walang ilegal na gawain.
May mga customers sila mula Bulacan, Eastern Visayas, Masbate, at Metro Manila.
Umabot na rin sa ibang bansa ang kanilang mga produkto dahil mayroong mga umoorder mula sa New York at Hawaii.
Samantala, naitampok ang kuwento ng mga preso sa Dapat Alam Mo! ng GMA News and Public Affairs noong November 12, 2021.
Pahayag naman ni Jail Chief Inspector Rodolfo Versoza Jr., “Nung makita nilang pumapatok yung online selling, lalong na-engganyo gumawa ng mga products.
“Of course, very happy sila at very proud.
“Nalalapit na yung Kapaskuhan, yun ang nasa isip nila para kahit konti, meron silang mapagsaluhan o maipadala sa kanilang pamilya.”
Samantala, sa Facebook account din ng SCDJ, makikita na isinasali rin ang mga produkto ng mga PDLs sa mga product fairs sa mga mall at iba pang product establishments.
Products of the prisoners are also brought to product fairs in malls and product establishments.
Use these Nike promo codes when you shop or order online. Marami pang ibang coupons dito.