Nag-trending ang Facebook post ni Carlo Abaquita noong April 5, 2022.
Si Carlo ay isang wedding and event planner sa Cebu City.
Ang kanyang post ay ang Eleksyon 2022-themed engagement photo shoot ng magkasintahang Riq Mosqueda at Gr Ace.
Batay sa mga larawan, courtesy of Soulful Studio at kuha ng photographer na si Jan Pagz, mapapansing magkaibang presidential candidate ang napupusuan nina Riq at Gr.
Maoobserbahan iyon sa mga tumbler na kanilang iniinuman at sa mga suot nilang T-shirts.
Bet ni Riq si dating senador Ferdinand “Bongbong” Marcos, Jr.
Si Gr naman ay kay Vice President Leni Robredo.
Ang caption ni Carlo sa kanyang post: "Bisag kinsa imong pilion karong eleksyon, dapat sa katapusan, kita gihapon.”
Roughly translated, ang ibig sabihin nito sa Filipino ay: “Kahit sino pa ang piliin mo sa darating na eleksyon, ang importante ay tayo pa rin sa huli.”
Nai-share naman ni Riq ang post ni Carlo noong April 6, at nilagyan niya ng caption na: “We are not endorsing our personal candidates, we are not trying to influence our friends and relatives on who to vote for.
“We are just expressing our happiness and celebrating our unity despite our individual differences which include our presidentiable bets.”
Dagdag pa ni Riq, “Spread love, not hate.”
Karamihan sa mga comments sa post ay nasa Cebuano dialect, pero kung pagbabatayan ang mga ginamit na heart emojis ng mga netizens, agree sila kina Ric at Gr na pagdating sa pag-ibig, isa sa pinakamahalagang factor ang respeto sa paniniwala ng isa’t isa.