Ang Toy Fox Terrier na si Pebbles ang itinuturing ngayon na pinakamatandang aso na nabubuhay sa mundo.
May timbang na four pounds, isinilang si Pebbles noong March 28, 2000. Mahigit 22 years old na siya, at malakas pa rin.
Pag-aari siya ng mag-asawang Bobby at Julie Gregory ng Taylors, South Carolina, USA.
Ang Guinness World Records certificate para sa “oldest dog living” ay natanggap ng owners ni Pebbles noong May 17, 2022.
Ayon sa mag-asawang Bobby at Julie sa artikulong inilathala ng Guinness World Records noong May 26, ang gusto talaga sana nilang alagaan noon ay malaking breed ng aso. Nagpunta sila sa isang bahay-ampunan ng mga pets.
Pero habang nagtitingin-tingin sila sa grupo ng mga asong nasa ampunan, laging sumusunod kay Bobby ang noon ay tuta pa lang na si Pebbles.
Ani Julie, “She was jumping and barking so much at Bobby that he had no choice but to pick her up and check her out.
“It was instant love the second the two met.”
Agad naman itong naging “queen” sa kanilang tahanan nang maiuwi nila.
Ayon kay Julie ay mataray si Pebbles pag ginigising, pero kapag kalmado na ay napakalambing.
Gustung-gusto nito na pinapaliguan, kinakamutan, at niyayakap.
“Pebbles is like a wild teen who loves to sleep during the day and is up all night.”
Nagkaroon pa ng ka-partner si Pebbles, si Rocky na isa ring Toy Fox Terrier.
Tatlong beses siyang nagbuntis at nakapag-produce ng 24 puppies.
Sa kasamaang palad, pumanaw si Rocky noong 2017.
Ayon pa kay Julie ay hindi mahilig sa toys si Pebbles, at mas gusto nitong maglakad sa backyard kasama si Bobby.
Sa kabila ng kanyang edad ay magana pa ring kumain si Pebbles, at ang estado ng kanyang health ay “fanstastic”.
Pagbabahagi ni Julie, “Most of the people that know Pebbles can’t believe how long she has lived.
“They always joke about it and tell us all the time how amazing it is that we still have her as most of them have known us over 20 years and remember when we got her.”
Ang payo niya sa mga dog owners para humaba rin ang buhay ng kanilang pet, “Treat them like family because they are. Give them a happy positive environment as much as possible, good clean food and proper healthcare.”
Sobrang happy naman silang mag-asawa ngayong Guinness World Records title holder na si Pebbles.
“We are truly honored. Pebbles has been with us through everything; ups and downs, good times and bad, and she has always been the beacon of our lives.”