Napaulat noong nakaraang linggo ang pagkakahuli sa isang “extremely” rare blue lobster sa Portland, U.S.A.
Related article: “Extremely rare” blue lobster, nahuli sa Portland, USA
Pero kamakailan ay naging laman ng international media ang “super-rare' lobster na kulay orange.
Ang makakita ng blue lobster ay “one in two million,” sabi ng mga experts.
Pero ang tsansang makatagpo ng orange lobster ay “one in 30 million,” ayon sa Ripley’s, ang sikat na American franchise na ang forte ay mga bizarre stories.
Karaniwang kulay brown at red ang lobsters.
Ang nadiskubreng orange lobster ay dinala sa Marine Science Research Center, isang state-of-the-art quarantine and research facility sa Ripley’s Aquarium of Myrtle Beach sa South Carolina.
Suwerte ng orange lobster dahil muntik na itong lutuin sa restaurant kung saan ito inihatid.
ORANGE LOBSTER NAMED CHEDDAR
Nadiskubre ang orange lobster nang dalhin ang mga lobsters sa Red Lobster restaurant sa Hollywood, Florida.
Napukaw ang atensiyon ng mga empleyado ng restaurant dahil sa “beautiful, bright orange color of the lobster,” ulat ng Ripleys.com.
Sa hangad na mailigtas ang crustacean, nakipag-ugnayan ang staff ng restaurant sa Ripley’s.
Pinangalanan na Cheddar ng staff ng Ripley’s Aquarium ang orange lobster bilang pagpupugay sa Red Lobster Restaurant, hango sa produkto nitong Cheddar Bay Biscuits.
Dagdag pa ng Ripley’s, ang orange lobsters ay “extremely rare—a one-in-30-million chance—because their bright, unusual coloring makes them very attractive to predators.”
Lubos namang ikinatuwa ng staff ng Ripley’s Aquarium na may panibagong tahanan na ang orange lobster na si Cheddar.
Siyempre, dagdag atraksiyon ngayon si Cheddar sa mga bibisita ng Ripley’s Aquarium sa Myrtle Beach.
Pinag-usapan ang Ripley’s Marine Science Research Center ngayong 2022 dahil sa kauna-unahang pagkakataon, nakapagpa-anak sila ng sand tiger shark sa pamamagitan ng artificial insemination.