Trending at kinagigiliwan ngayon ng netizens ang graduation photo ni Mark Jason Waminal, mas kilala bilang Jaymark, ng Alubijid, Misamis Oriental.
Nagtapos siya ng senior high school.
Agaw-pansin ang nakasabit sa kanyang leeg na graduation lei, na sa halip na bulaklak ay puro sitsirya.
Caption ni Jaymark sa kanyang picture na nai-post niya sa kanyang Facebook account noong July 3, 2022, “Nag libog ko mo graduate bako or mamaligyaa kog makaon.”
Roughly translated, ang ibig niyang sabihin: “Nalilito ako kung nag-graduate ba ako o nagtitinda ng pagkain.”
Nagpasalamat din siya sa nagbigay ng kanyang graduation lei na napag-alaman niyang isa niyang pinsan.
Tuwang-tuwa naman ang netizens at may kanya-kanyang comment sa kanyang post.
May nagbiro pa na puwede na raw magnegosyo si Jaymark.
Ang iba naman ay nakakuha ng idea kung ano ang isasabit sa kakilalang ga-graduate.
May nagsabing may pulutan na siya sa inuman.
Lagi rin umanong lumalabas sa feed ng iba ang kanyang larawan.
Patunay ito na sa anumang okasyon, lumalabas ang unique humor ng mga Pinoy.