“No Bag Day” challenge sa isang school sa Quezon, patok sa netizens

by KC Cordero
Sep 21, 2022
Students with their alternatives to bags
Nagpakitang-gilas ang mga estudyante ng senior high school sa St. Joseph Academy, Sariaya, Quezon sa kanilang “No Bag Day” challenge. Kanya-kanya sila ng improvised na lalagyan ng gamit sa school kapalit ng kanilang backpacks.

Bentang-benta sa netizens ang ipinatupad na “No Bag Day” ng St. Joseph Academy-Senior High School Department sa Sariaya, Quezon, noong September 12, 2022.

Sa halip na backpack, ang faculty at mga estudyante ay pinayagang makapasok sa nasabing school bitbit ang kanilang libro at school supplies gamit ang ibang lalagyan.

Nag-post ang Supreme Student Government sa official Facebook Page nito ng mga larawang mga ginamit na alternatibo ng mga estudyante sa kanilang backpack.

Ang caption: “This week started with something new and interesting as Josephinians and Mission Partners participated in the challenge that showcased their creativity and uniqueness.

“As a part of the season of creation celebration, Josephinians brought unusual bags to carry their books, portfolios, and food.”

Students showing the items they used instead of their bags

ADVERTISEMENT - CONTINUE READING BELOW ↓

Nag-level up sa pagiging creative ang mga estudyante, at pinalitan ang kanilang backpacks ng kung anu-anong puwede nilang mahagilap sa bahay na maaaring pagsidlan ng school supplies at iba pang essentials.

Student carrying an electric fan

Student carrying a dog cage
May mga gumamit ng microwave, housing ng electric fan, bayong, trash bags, kulungan ng aso at manok, at kung anu-ano pa.

ADVERTISEMENT - CONTINUE READING BELOW ↓

Nagpiyesta ang mga netizens.

Netizens reactions to the challenge

Netizens reactions to the challenge

ADVERTISEMENT - CONTINUE READING BELOW ↓

Hirit ng iba, sana gawin din yun sa kanilang school.

Kanya-kanya rin silang pili kung aling lalagyan ang pinakapatok.

Ang St. Joseph Academy sa Sariaya ay miyembro ng Franciscan Missionaries of Mary.

Ang isinagawang No Bag Day ay bilang paggunita rin sa isang buwan na selebrasyon ng kapaligiran.

Tinatawag itong “season of creation” o ang pista ni St. Francis of Assisi, ang patron saint ng kalikasan at mga hayop, na magtatapos sa October 4.

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Nagpakitang-gilas ang mga estudyante ng senior high school sa St. Joseph Academy, Sariaya, Quezon sa kanilang “No Bag Day” challenge. Kanya-kanya sila ng improvised na lalagyan ng gamit sa school kapalit ng kanilang backpacks.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results