Binarikadahan na ng University of Santo Tomas (UST) ang bagong tiger statue na nasa Plaza Mayor.
Ayon sa ulat ng The Varsitarian, official student publication ng UST, noong October 9, 2022, nagmistulang “wishing well” ng mga estudyante ang istatwa noong preliminary exam week.
Naglagay kasi ng coins ang mga kukuha ng exam sa bibig ng tigre at humihiling na makapasa sa pagsusulit.
Naging viral ang tiger statue noong October 5 nang kumalat sa social media ang mga larawan nito na ang bibig ay puno ng mga barya.
Noong October 7 ay nilagyan na ito ng stanchion barriers. Inalis na rin ang mga coins sa bibig nito.
Ipinakita ni Facilities Management Office Director Fr. Dexter Austria, O.P. ang mga larawan ng tiger statue na bukod sa mga barya, may pakete rin ito ng instant noodles sa bibig.
Marami ring baryang nakakalat sa ground na kinatatayuan nito.
Ani Fr. Austria, “More than our moral obligation to take good care of our properties in UST, catechesis is urgently needed if we want to be faithful to the Church teachings as Thomasians.”
Dagdag niya, “Yes, the tiger statue is not an object of devotion… Pray to God through the saints for intercession instead.”
May ilang Thomasians na nag-react at sinabing “killjoy” ang pagbabarikada sa tiger statue.
Pero ayon sa theology instructor at Institute of Religion faculty member na si Leo Ocampo, “I believe the concern of those who reacted against it is that this might eventually become an urban legend and a common practice among Thomasians.
“This would be very unbecoming of UST as a Catholic university because it would then really start to give off an impression of superstition.
“Besides, doing so is unsightly and might potentially cause damage to one of our important University symbols that we must all take care of.”
Para kay Ocampo, naniniwala siyang walang Thomasian na seryosong naniniwala na ang paglalagay ng anumang bagay sa bibig ng istatwa ay magiging daan para makapasa sila sa exam.
Dagdag pa niya, “As our local wisdom puts it, ‘Nasa Diyos ang awa, nasa tao ang gawa.’ Not in the tiger statue’s mouth or anywhere else.”
Ang bagong tiger statue at ang UST block letters sa Plaza Mayor ay pinasinayaan noong Agosto 9 bilang simbolo na nalampasan ng UST ang mga hamon ng pandemya.
Ang 8-foot Bengal tiger ay dinisenyo ni Anthony Zamora, former faculty member ng College of Fine Arts and Design.
Trajan Pro font naman ang ginamit sa bagong block letters.
Ang UST ang oldest existing university in Asia. Itinatag ito noong April 28, 1611, sa pamumuno ng third Archbishop ng Manila na si Miguel de Benavides, kasama ang mga Kastilang prayle na sina Fr. Domingo de Nieva at Fr. Bernardo de Santa Catalina.