Biniyayaan ng kambal na supling ang magkasintahan sa araw mismo ng kanilang kaarawan.
Sina Jose Ervin Jr. at Scierra Blair, na taga-Ohio, U.S.A., ay pareho ang birthday.
At sa mismong araw ng kanilang joint birthday, August 18, isinilang ni Scierra ang kanilang kambal na anak—sina Jose Ervin III at Ar’ria.
Ang fraternal twins ay iniluwal sa Cleveland Clinic, madaling araw ng August 18.
Isinilang ang lalaking sanggol ng 12: 35 a.m. at sumunod ang babaeng sanggol ng 12:36 a.m.
Naisilang sila by caesarian section.
Mas maaga pa ngang nailuwal ang sanggol na ang due date sana ay August 28.
Pero noong August 17, kinailangan pumunta sa ospital ni Scierra dahil nadiskubreng nasa breech position o nauna ang paa ng lalaking sanggol at kailangang isagawa ang caesarian, ulat ng People.com.
Dumating ang magkasintahan sa ospital dakong 4:30 p.m.
Nangulit naman si Jose kung kaya pa ni Scierra na magtiis pa para maisagawa ng caesarian pagpatak ng alas-dose ng madaling araw, August 18.
“Since she was in good health and wasn’t stressed, and the kids were in good health and weren’t stressed, I thought, 'Why not wait?'” kuwento ni Jose sa People.com.
Nung una ay ayaw pang pumayag ni Scierra na nakakaramdam ng gutom at pananakit noong mga oras na iyon.
“I was hungry and just wanted it to be over,” Blair says. “He said, ‘It’s only a few hours and it will go by real fast.' And I just looked at him and said, ‘Easy for you to say. I’m starving.'”
Pati raw ang nanay ni Jose ay kinulit si Scierra. Nakumbinse naman si Scierra.
“I agreed, but I told them they owed me a week of potato salad,” sabi niya sa interview.
Pumapak daw ng ice chips si Scierra habang naghihintay ng tinatayang anim na oras bago mag-alas-dose.
Nairaos naman ang caesarian at naisilang nang ligtas ang kanilang kambal.
Read: VIRAL: Suspects na “ang lalakas ng loob" mang-holdap sa Cavite restaurant
Sina Scierra Blair at Jose Ervin Jr. karga-karga ang kanilang kambal.
Read: Tagapagmana mas pinili ang pag-ibig kaysa milyones
IT RUNS IN THE FAMILY
Nagsimulang mag-date sina Scierra at Jose late last year.
Kaka-30 lang noon ni Jose at kaka-31 lang ni Scierra.
Nung una raw ay akala pa ni Jose ay niloloko siya ni Scierra nang sabihin nitong magka-birthday sila.
Sabi ni Jose: “I’m like, get outta here. But she showed me her ID and proved me wrong.”
Nasa lahi naman nina Jose at Scierra ang pagkakaroon ng kambal.
Sa katunayan, si Scierra ay may kapatid sa ama na kambal.
Sa ngayon, masaya lang ang magkasintahan dahil sa kanilang best birthday gifts ever— ang kanilang twins.
At sa mga susunod nilang birthdays kasama ang mga anak, ay isahang handaan na lang.