Pambihira ang kuwento ni Ben Wilson, 31, ng United Kingdom.
Isa siyang traffic management employee.
June 2023 ay dalawang beses siyang na-cardiac arrest.
Dalawang beses ding tumigil sa pagtibok ang kanyang puso sa loob ng 50 minuto habang nasa kanyang tahanan.
Napilitan ang mga paramedics na gumamit ng defibrillator nang 17 beses para ma-revive si Ben.
Kinapos sa oxygen ang kanyang utak, na siyang naging sanhi ng kanyang atake.
Read: Lalaking nagsubo ng bumbilya, hindi na mailuwa
Nang dalhin na siya sa ospital, inihanda na ng mga doctor ang kalooban ng kanyang pamilya.
Ayon sa mga ito, napakaliit na ng chance ni Ben na makaligtas.
At kung magkamalay man siya, magiging bedridden na siya at hindi na babalik sa dati ang estado ng kalusugan.
Sa ospital kasi ay dumanas din siya ng seizures, kidney failure, at panibagong blood clot kaya lalo siyang nahirapang huminga kahit may breathing tube.
Gayunpaman, pinatunayan ni Ben na hindi pa niya oras at mataas ang will power niyang mabuhay.
Read: Guy with no sex experience has 25 kids
Makalipas ang limang linggo na nasa ilalim ng medically induced coma para maprotektahan ang kanyang utak sa oxygen deprivation, nagsimulang magpakita si Ben ng pagganda ng kondisyon.
Nakapagmulat siya ng mga mata.
Naigalaw ang mga kamay at paa.
Makalipas pa ang ilang araw ay nagawa niyang makabangon.
Nakapagsalita na rin siya at nakapaglakad.
Higit sa lahat, nagawa niyang makapag-propose sa kanyang partner na si Rebekka Holmes.
Read: 14-year marriage about to end due to wife's one-night stand with younger guy
Ayon kay Rebekka, nakakaranas si Ben ng short-term memory issues.
Pero nang unang magmulat ito ng mga mata, ang unang salitang namutawi sa bibig nito: “Rebekka...”
Ani Rebekka, “This was a beautiful moment.”
May kaunti ring depekto ngayon sa pagsasalita ang kanyang fiancé.
Kuwento pa niya sa pinagdaanan ni Ben, “When the paramedics came, they said it wasn't looking good.
“They used a defibrillator to shock him 11 times in 40 minutes before finally getting a heartbeat.”
Pero nang mailabas na umano sa bahay si Ben para isakay sa ambulansiya, nawalan na naman ng tibok ang puso nito.
Pagpapatuloy ni Rebekka, “And they shocked him six times in another ten minutes and brought him back again.
“They put him in an induced coma right away to minimize any damage.”
Read: Lalaki bitbit ang buong pamilya sa kasal; nag-cause ng "inconvenience"?
Matapos magkamalay, namalagi si Ben ng 12 weeks sa neuropsychiatric rehabilitation center para maging maayos ang kanyang paglalakad.
Inabot naman siya ng walo at kalahating buwan sa ospital.
Nakauwi na si Ben sa kanyang bahay at patuloy na nagpapagaling.
Kuwento ni Rebekka, nakatulong marahil kay Ben ang hindi niya pag-alis sa tabi nito noong panahong comatose siya.
Lagi rin umanong binubulungan ng fiancée kung gaano siya kamahal nito.
Kinakantahan din siya ng paborito niyang kanta na “Dream a Little Dream of Me.”
Dagdag pa ni Rebekka, “I sprayed my perfume on his pillow, and put a teddy he bought me on it, saying ‘I love you to the moon and back,’ at his side.”
Read: FORUM: Keri mo pa bang magbuntis kahit 50 years old ka na?
Anya pa, “It is a miracle that he has survived, but there are studies that say love and touch can help.”
Isinalarawan din ni Rebekka si Ben bilang isang hopeless romantic.
Noon ay lagi siya nitong pinapadalhan ng flowers and cards.
Kaya naman nagsakripisyo rin siya nang magkasakit ang lalaki.
“I feel I was repaying him for all the love and affection he has shown me over the seven years we have been together."
Sa ngayon, nagpaplano na ang magkasintahan para sa kanilang pagpapakasal.
Pareho naman nilang pinasasalamatan ang mga doktor sa Northern General.
Aminado rin ang magkasintahan na isang miracle ang nangyari.
Read: Influencer inirampa ang mga damit na isinuot ng ina noong 1980s