Binalikan ni Paul Rosolie, isang American conservationist and naturalist, ang isang TV special na kanyang ginawa kung saan “nagpakain” siya sa isang 20-foot giant snake.
Pinag-usapan at naging kontrobersiyal ang episode na yun para sa programang Eaten Alive ng Discovery Channel noong 2014.
Ang giant snake na itinampok ay isang giant green anaconda—ang itinuturing na pinakamalaki at pinakamabigat na uri ng ahas, at isa itong non-venomous constrictor.
Si Paul ay isinilang sa New York, USA, pero kalaunan ay nanirahan siya sa Amazon Forest sa Peru kasama ang mga indigenous people roon.
Hangarin niyang pangalagaan ang pagkasira ng Amazon forest mula sa urbanization.
Sa kontrobersiyal niyang video sa Discovery Channel, ilang minuto matapos siyang lingkisin at puluputin ng higanteng ahas ay ipinatigil ni Paul ang ginawa niyang challenge.
Read: Six-year-old girl, only first-grader in Japan school
MAN TALKS ABOUT ENCOUNTER WITH ANACONDA
Sa interview ni Paul sa LADbible.com nitong May 24, 2024, binalikang-tanaw niya ang karanasan.
Pag-amin ni Paul, “I came inches away, moments away from having my rib cage explode.”
Nilinaw niya sa interview na hindi siya nakaramdam ng pangamba dahil prepared ang Discovery Channel nang i-film ang episode.
Meron daw naka-standby noon na ambulansiya, doktor, at iba pang production staff sakaling may mangyaring hindi inaasahan.
Pinasalamatan ni Paul ang mga tumulong na gumawa ng suit na nagsilbing proteksiyon niya bago gawin ang challenge.
Ikinuwento rin ni Paul ang isa pa niyang engkuwentro sa isang 14-foot anaconda noong naghahanap sila ng gagamiting ahas para sa TV special.
Agresibo raw ang ahas at nilingkisan daw siya nito.
Paglalarawan ni Paul sa proseso ng pagpatay ng predator, "They lock your wrists together first and then the next coil comes over your shoulder. So I actually almost had my shoulders touch.
"And I came inches away, moments away from having my rib cage explode.”
Buti na lamang daw at iniligtas siya ng mentor niyang miyembro ng indigenous people.
Ano ang pakiramdam nang sinubukan niyang magpakain sa higanteng anaconda?
"Every time you exhale, you never get that space back, you never take that breath in again.
“So you exhale and the snake squeezes, and then when you try to breathe in, there's nothing. And so I couldn't even call for help. It was terrifying."
Kung uulitin man daw niya ang stunt, titiyakin daw muna ni Paul na meron siyang reliable team. Otherwise, hindi raw niya ito susubukang muli.
Read: Woman poisons boyfriend, believing he inherited PHP1.7B
EPISODE QUESTIONED
Pero nung lumabas ang video noong 2014, kinuwestiyon ng mga kritiko sa artikulong lumabas sa Vox.com ang kredibilidad ni Paul dahil wala raw siyang certificate na eksperto ito pagdating sa mga snakes at animals.
Lumalabas na parang self-proclaimed conservationist siya although matagal na panahon na ang ginugol niya sa larangang ito.
Pinuna rin ang Discovery Channel dahil imbes na gawing informative ay naging “sensationalized” ang episode.
Pinagtuunan din ng pansin ang editing, camera work, at sound effects para maging mas dramatic ang kalalabasan ng video.
Pagkaklaro rin ng mga kritiko—na pawang mga scientists—hindi akma ang episode sa Eaten Alive dahil hindi naman talaga “nagpakain” sa anaconda si Paul.
Mas maganda lang daw itong pakinggan kesa sa “getting squeezed really hard.”
[twitter:
I guess calling this "Getting Squeezed Really Hard" didn't sound as enticing. #EatenAlive
— Bobby Frasor (@BFrasor) December 8, 2014
]