Isang set ng triplets ang kinatutuwaan ngayon ng mga taga-Barangay Bega, San Carlos City.
Sila ay sina Althea, Altheo, at Athena.
Ang panganay na si Althea ay may pagkaiyakin.
Boy ang pangalawa na si Altheo, na masayahin.
Tahimik naman ang panghuli na si Athena.
Mahigit isang taon nang nagsasama ang mga magulang ng triplets na sina Romulo Perez, 61; at Cecilia Macam, 41.
Read: Nabiyudong amang nanawagan ng breastmilk para sa anak na triplets noon, kumusta na ngayon?
INANG, HINDI INAKALANG TRIPLETS ANG IPINAGBUBUNTIS
Sa panayam kina Cecilia at Romulo ng GMA Regional TV News nitong June 9, 2024, inamin nilang hindi nila akalain na tatlo agad ang kanilang magiging anak.
Itnuturing naman nila ang triplets na malaking biyaya sa kanilang pagsasama.
Read: 26-year-old mom has 22 kids; spends PHP10.9 million on surrogacy
Read: Remember when Claudine Barretto played triplets in this TV show?
Sinabi ni Cecilia na nalaman lang niyang triplets ang nasa kanyang sinapupunan nang limang buwan na siya sa pagdadalantao.
Nasorpresa aniya maging ang kanyang mga kamag-anak.
"Doon ko nalaman na triplets dahil mabigat ang tiyan ko.
“Hindi ako makapaniwala kaya nagpa-ultrasound ako,” lahad ni Cecilia.
Nagpasalamat naman siyang nalaman na triplets ang nasa kanyang tiyan at nasubaybayan ang kanyang pagbubuntis.
Aminado rin si Cecilia na nagulat at nabigla siya sa resulta ng ultrasound test.
Aniya, "Hindi ko expect na ganitong tatlo.
“Masaya naman ako na lumabas sila. Masaya na tatlo ang ibinigay."
Read: Bride and groom ask wedding guests to pay for the food
ITAY AT INANG, GUMAGAWA NG BASKET PARA MASUPORTAHAN ANG TRIPLETS
Parehong balo sina Romulo at Cecilia nang magkakilala at na-in love sa isa’t isa.
May pitong anak si Romulo sa unang asawa.
Anim naman ang kay Cecilia.
Sa pagdating nina Althea, Altheo, at Athena sa kanilang buhay, 16 na ngayon ang kanilang pinagsama-samang mga supling.
Parehong gumagawa ng basket na yari sa kawayan sina Romulo at Cecilia.
Read: Kuya flexes sister’s milestone; netizens cheer
Read: VIRAL: Dad carrying large dog instead of kid
Pagtatapat ni Cecilia, hindi sapat ang kanilang kinikita para sa triplets.
Pag-amin niya, “Medyo hirap kasi habang lumalaki ang bata ay lumalaki ang gastos kasi palaki nang palaki sila.”
Sinabi rin niyang malakas sa gatas si Altheo.
Ang tanging hiling nina Romulo at Cecilia ay lumaki sina Althea, Altheo, at Athena na malulusog, mababait at may takot sa Diyos.