Isang eight-year-old na batang babae at isang SUV ang napaulat na nawawala noong September 15, 2024, sa Bedford City, Ohio.
Hindi na binanggit ang pangalan ng bata.
Ang sasakyan naman ay isang 2020 Nissan Rogue, na pag-aari ng ina ng bata.
Read: Husband arrested for phone stalking his wife
Read: “Wedding destroyer” gets paid by brides not ready to get married
Ang insidente ay ibinahagi ng Bedford Police sa official Facebook account nito noong September 16.
Sa isinagawang imbestigasyon, napag-alamang bandang alas nuwebe ng umaga nang mapansing nawawala ang bata at ang sasakyan.
Sinabi ng pamilya ng bata na huli itong nakita sa kanilang tahanan bandang alas siyete ng umaga.
Nang maghanap ang pulisya, may natanggap na report na may batang namataang nagmamaneho ng isang sasakyan sa kalapit na daan, kaya agad na tinugpa ng mga awtoridad ang naging destinasyon nito.
Pero hindi na naabutan ang sasakyan.
Read: Wedding bouquet toss turns into wrestling match among ladies
BATA NAKITA SA GROCERY STORE, UMIINOM NG FRAPPUCINO
Hindi nagtagal, isa pang report ang natanggap ng pulisya na ang SUV na hinahanap ay nasa parking lot ng Target store sa Bainbridge.
Nasa 21 kilometers ng layo nito mula sa residence ng pamilya.
Agad iyong pinuntahan ng mga pulis.
Matapos matiyak na ang SUV na nga ang hinahanap ng pamilya, nagsaliksik naman ang mga pulis sa loob ng store.
Nakita nila roon ang bata—na umiinom ng Frappuccino.
May mga items na rin itong napili na nakalagay na sa cart, pero hindi pa nababayaran.
Read: Influencer admits PHP8-million cosmetic surgery changed her life
Read: 1975 10-centavo coin without mint mark now worth PHP28M
Umabot ang dapat sana’y pinamili nito sa US$400 o PHP22,303.40—pero ipinasauli ng parents nito.
Hindi ito nadisgrasya o nasaktan sa pagmamaneho, pero sinabi nito sa mga pulis na nakasagi ito ng isang mailbox.
Hindi na binanggit ng mga pulis kung bakit nagdesisyon itong magpunta sa store gamit ang SUV ng ina.
Wala na ring binanggit kung anu-ano ang mga napagdaanan pa nito sa pagbiyahe maliban sa pagkakasagi sa mailbox.
Agad din itong naibalik sa pamilya nito, maging ang sasakyan.
Hindi pa puwedeng sampahan ng pulisya ng kaso ang bata dahil sa edad nito.
Kasalukuyan pa ring iniimbestigahan ang insidente.
Read: Viral salad videos cause shortage of cucumber in Iceland
NETIZENS NA-IMPRESS SA DRIVING SKILLS NG BATA
Matapos i-post ng Bedford Police sa Facebook ang insidente, maraming netizens ang hindi makapaniwala.
May nagtanong pa kung isa lang itong prank.
Marami ang nagkumpirmang totoo ang insidente dahil laman ito ng mga balita.
Natuwa naman ang ilan na hindi ito naaksidente.
Read: Appliance store loses PHP236M in 20 minutes due to pricing error
Read: Venezuela to celebrate Christmas on October 1 this 2024
Sambit ng isang nagkomento, “Yes it was dangerous! But it’s very impressive! The Frappuccino was very demure.”
Napansin ng ibang netizens na mas mahusay pa raw ang bata sa ibang adult drivers.
May mga nagsabi namang sana ay hindi na lang isinauli ang mga nasa shopping cart ng bata at binayaran na lang ng parents nito.
Yun din naman umano ang dahilan kaya nito minaneho ang SUV papunta sa store.
Read: “World’s most expensive cigar lighter” is worth PHP28M