Naaresto si Emely Martinez noong August 20, 2025, matapos mag-perform ng mga dental procedures kahit hindi siya lisensiyadong dentista.
Ang 35-anyos na babae ay residente ng Pinellas Park, Florida, USA.
Nagpapanggap siya bilang “smile makeover expert” sa social media, at nakagoyo ng mga kliyente.
Pero sa ulat ng news website na www.fox13news.com last August 29, inireklamo si Emely ng ilang kliyente niya sa Pinellas at Hillsborough counties.
Nag-attach kasi siya ng mga veneers sa ngipin gamit lang ang biniling super glue.
Ang veneers ay maninipis at custom-made coverings of porcelain o kaya ay composite resin na idinidikit sa front surface ng ngipin para mapaganda ang appearance.
Ang mga ginagamit sa pagdidikit ay dental cement at special curing light.
Itinatama rin ng veneers ang cosmetic imperfections gaya ng biyak sa ngipin, gaps, discoloration, at pagkabungi.
Permanente ang procedure na ito dahil ang thin layer ng tooth enamel ay inaalis bago i-attach ang veneer.
Tumatagal ng mula 10 hanggang 20 years bago ito mapalitan.
Read: NETIZENS REACT: Owner brings tattooed dog to pet fair
WOMAN LURES CLIENTS BY OFFERING SUPER LOW DENTAL SERVICES
Napag-alamang nakakarahuyo si Emely ng mga customers dahil sobrang mura ng kanyang singil sa full-mouth veneer treatments kumpara sa ibang licensed dental clinic.
Ang pagkakamali ng kanyang naging customers, hindi na nag-abala pa ang mga ito na alamin ang kanyang credentials.
Mayroon siyang dental shop, pero wala siyang formal training bilang dental technician.
Bilang reference, ang single tooth veneer sa licensed clinic ay nagkakahalaga ng US$900 (PHP51,525.45) hanggang US$1,500 (PHP85,875.75).
Kay Emely, sinisingil lang niya ang clients ng US$2,500 (PHP143,126.25) para sa full-mouth veneer attachment procedure.
Talagang sobrang mura kung tutuusin.
Yun nga lang, marami sa mga naging kliyente niya ang lalo lang nasira ang mga ngipin at nagkaroon pa ng infections.
Read: Daughter uses a month’s salary to grant dad’s dream hotel stay
WOMAN USES SUPER GLUE IN ATTACHING VENEERS
Natuklasan kamakailan ang scam ni Emely matapos magsampa ng kaso ang dalawa niyang naging clients.
Reklamo ng mga ito, nagkaroon ng serious damage ang kanilang mga ngipin matapos magpalagay ng veneers.
Nung nagpatingin ang mga ito sa actual dentist, nalaman nilang ang veneers ay ini-attach lang ni Emely gamit ang Krazy Glue, isang brand ng household super glue na hindi puwedeng gamitin sa medical use.
"Krazy Glue can expand, it can cause heat, it can cook a nerve, meaning root canal therapy. It's not to be used in the mouth," ayon sa Tampa dentist na si Dr. Christopher Bulnes.
Read: Wife uncovers husband’s affair via failed contraceptive e-payment
WOMAN REFUSES TO TAKE RESPONSIBILITY FOR HER ACTIONS
Isang kliyente ni Emely ang kinailangang sumailalim sa emergency surgery para maayos ang mga ngipin nito.
Sinabi rin ng mga biktima na bukod sa ayaw akuin ni Emely ang responsibilidad, ayaw rin nitong ibalik ang kanilang ibinayad.
Ayon sa arresting officer na si Sergeant Windy Vater ng Pinellas Park Police Department, hindi lisensiyado si Emely para magkabit ng veneers.
“She has no schooling to do veneers.
“And in the state of Florida, obviously, you have to be licensed to do any kind of work like that.”
Napag-alaman ding hindi ito ang unang pagkakataong may nagreklamo laban kay Emely.
Naaresto na rin siya noon lang March dahil din sa pagpe-perform ng unlicensed dental services sa Hillsborough.
Sinampahan na siya ng kasong “fraud and practicing dentistry without an active license.”
Read: Zara Dar: from computer geek to OnlyFans content creator