The Fiercest Of Them All director believes, "Yung ibang shows, halatang scripted."

Sa darating na Linggo, March 5, mapapanood na ang pinakabagong "fanta-reality" show ng GMA News TV, ang The Fiercest Of Them All.

Ang Brazilian model/actress na si Daiana Menezes ay balik Kapuso upang maging host at judge ng nasabing programa.

Ang mga makakasama ni Daiana sa judging panel ay ang model/fitness trainer na si Matthias Rhoads, celeberity stylist/fashion writer na si Bea Jocom, at ang fashion designer na si Doggficher.

Ayon sa direktor ng reality show na si Martin Rey Aviles, kakaiba ang reality show na ito dahil may fantasy theme din ang kanilang programa. Gaganap bilang reyna ng isang fantasy world si Daiana na siyang magbibigay ng mga challenges sa mga kandidata upang mahanap ang "fiercest of them all."

Sa Camp Kanawan sa Bataan nag-shoot ng mahigit dalawang linggo ang buong cast at crew ng reality show.

Paliwanag ni Direk Martin, "What we wanted to do is push it even more, to go to the core of these really strong women. I couldn't have asked for a better cast."

Dagdag pa nito, "Kasi yung ibang shows 'di ba, halatang scripted. We won't see that here. What makes it special is that we have a reality show aspect but may fantasy narrative na it's going alongside the reality niya."

Ipinagmalaki rin ng writer-producer na si Ino Habana na mala-pelikula ang kalidad ng kanilang programa. Aniya, "If you look at the quality of production, quality of the shoot, quality of the show, hindi siya mukhang TV show. Mukha siyang sine. Each episode feels like a cinematic experience so it's very interesting for everybody to watch."

Dagdag naman ni Daiana, hindi lang daw ito isang normal na modelling competition. Paliwanag nito, "Hindi ito pagandahan kumbaga, it's really about kabaliwan and [kung gaano] katalino. Kasi meron kaming mga challenges na emotionally draining and then, not just physical. Hindi lang talaga siya modelling, e, kailangan niyo panoorin."

Sa press conference na ginanap sa Ka Tunying's Cafe sa Quezon City, pormal na ipinakilala ang 12 finalists ng Kapuso show.

Betsy Naluz

IMAGE Courtesy of Fiercest of them All on Facebook

Krisha Francisco

IMAGE Courtesy of Fiercest of them All on Facebook

Christine Basadre

IMAGE Courtesy of Fiercest of them All on Facebook

Aya Sarmiento

IMAGE Courtesy of Fiercest of them All on Facebook

Peru Morena

IMAGE Courtesy of Fiercest of them All on Facebook

Tanya Lingat

IMAGE Courtesy of Fiercest of them All on Facebook

Candice Ramos

IMAGE Courtesy of Fiercest of them All on Facebook

Claudia Benavidez

IMAGE Courtesy of Fiercest of them All on Facebook

Katarina Rumanova

IMAGE Courtesy of Fiercest of them All on Facebook

Irina Zinchenko

IMAGE Courtesy of Fiercest of them All on Facebook

Gleymar Loyo

IMAGE Courtesy of Fiercest of them All on Facebook

Mona Lisa Neuboeck

IMAGE Courtesy of Fiercest of them All on Facebook