Engaged na ang U.S.-based singer na si Ericka Villongco sa kanyang boyfriend na si Ross Sauve, na bahagi ng DJ and producing duo na TAMA UCXI.
Naganap ang proposal ni Ross kay Ericka nitong March 26, Martes, habang nagbabakasyon ang dalawa sa Hawaii.
Ipinost ni Ericka, 25, sa Instagram ang larawan ng kanyang kamay suot ang engagement ring.
Caption ni Ericka: "I said yes to my greatest & last love @yonosauve [heart emoji] I love you so much baby!!”
Sa kanyang Instagram Story naman ay sunud-sunod ang pag-post ni Ericka ng ilang highlights ng proposal.
Kabilang dito ang larawan ng kanyang engagement ring at kissing photo nila ng kanyang fiancé.
Caption dito ni Ericka: “thank u for all the love im still on cloud 9
“can’t wait to plan our dream wedding in the Philippines w all my friends &amily one day”
Nakilala si Ericka sa local music industry bilang bahagi ng singing duo na Krissy & Ericka, kung saan kasama niya ang kanyang kapatid.
Umingay rin ang kanyang pangalan nang mabunyag na dati siyang girlfriend ng Kapamilya actor na si James Reid.