Patuloy pa rin sa ligawan stage ang GMA-7 talents na sina Juanco Trivino at Joyce Pring.
Masaya si Juancho kung anuman ang mayroon sila ni Joyce kahit hindi pa sila pormal na magkarelasyon.
"We're very happy," pahayag nito sa PEP.ph (Philippine Entertainment Portal) noong Biyernes, March 22, sa Heineken Star Collection after-party na ginanap sa Glass Space, Makati City.
Patuloy nito, "I'm still courting her and we're taking it slow."
Para kay Juancho, mas makabubuti para sa kanilang dalawang makilala muna nang lubos ang isa't isa bago pumasok sa isang relasyon.
Aniya, "Feeling ko, bago kami mag-jump into a relationship, dapat kilalang-kilala na namin yung isa't isa on a deeper level na talaga.
"Siguro it has been, like, three or four months already, pero no rush naman, e.
"Sabi ko, 'Joyce, if we're gonna do this, we're gonna do it the right way.'
"So, wala talaga kaming minamadali, we're taking our time."
Nang tanungin naman ng PEP.ph kung anong klaseng manililigaw ba siya, sagot ni Juancho, "Medyo classic ako, e, and sinusuyo ko pa rin siya every now and then.
"I pull off surprises to make her happy, so ganun. I would always want to make her happy."