Buo ang suporta ni Senator-elect Ramon "Bong" Revilla Jr. sa balitang engaged na ang anak niyang si Cavite Vice Governor Ramon “Jolo” Revilla III kay Bb. Pilipinas 2016 1st runner-up Angelica Alita.
Pahayag niya, “Kung saan masaya si Jolo, dun ako.
“Hintayin niyo na lang ang final announcement ni Jolo.”
Nakapanayam ng PEP.ph (Philippine Entertainment Portal) si Bong sa 35th Star Awards for Movies na ginanap sa Newport Performing Arts Theater sa Resort's Manila noong June 2.
THANKFUL FOR VOTERS' SUPPORT
Labis naman ang pasasalamat ni Bong sa lahat ng bumoto at nagtiwala uli sa kanya nitong nakaraang mid-term elections.
Pahayag niya, “Siyempre excited tayo. Nakakatuwa na sumuporta pa rin sa akin ang sambayanang Filipino.
“Top 11! Well, ang importante nanalo tayo.
“Nagpapasalamat tayo sa sambayanang Filipino.”
Ngayong balik-Senado na, babalik na rin kaya sa paggawa ng pelikula si Bong?
“Trabaho muna tayo and then pag stable na, gagawa tayo ng pelikula,” paglinaw niya.
DAD'S ESCORT
Nagsilbing escort si Bong sa amang si Ramon Revilla Sr. na pinarangalan bilang isa sa Mga Natatanging Bituin ng Siglo sa 35th Star Awards for Movies.
Saad ni Bong, “Nakaka-miss ang showbiz.
“Heto, ako'y escort ngayon ng aking tatay.
“Masayang-masaya kami for my father. Excited na excited siya talaga na tumanggap ng award.