Rayver Cruz ikinuwento kung paano nila inilihim ang sakit ng namayapang ina

Ikinuwento ni Rayver kung gaano sila nangungulila sa pagkawala ng kanilang ina.

by Arniel C. Serato

Published Jul 8, 2019

PHOTO/S: Noel Orsal

Ikinuwento ni Rayver Cruz kung paanong inilihim niya at ng kanyang pamilya ang tunay na kalagayan noon ng kanilang ina na si Beth Cruz na na-diagnose na mayroong pancreatic cancer.

Namayapa ang kanilang ina noong February 2 ng taong ito na ikinabigla ng lahat dahil nanatiling lihim nga ang pagkakaroon ni Beth ng sakit na cancer. Sabi ni Rayver, nangungulila sila ng kanyang kapatid na si Rodjun dahil nami-miss nila ang kanilang “Number One Fan.”