Inilahad ni Carlo Aquino kung saan sila nagkakapareho ng bago niyang leading lady na si Maine Mendoza.
Kasalukuyang gumagawa ng pelikula sina Carlo at Maine para sa Black Sheep Productions ng ABS-CBN Films, ang Isa Pa With Feelings. Sa presscon kay Carlo para sa kanyang Liwanag In Concert, tinanong ang aktor-singer tungkol kay Maine.
Ani Carlo, pareho raw sila ni Maine. Kinumpara pa ng Kapamilya actor sa isang makinang pinatatakbo ng diesel na petrolyo ang pagkakapareho nila ng Kapuso celebrity.
"Parehas nga kami. Kailangan lang namin--parang diesel--magpainit."
Kunektado ang quote na ito ni Carlo sa kuwento niya nung una silang nagkakilala ni Maine nang personal. Pareho raw silang tahimik at mahiyain. Pero nang kalaunan ay pareho na silang makulit.