Aminado si Gil Cuerva, 24, na mas gusto nila ng girlfriend niyang si Kim Cruz, 21, na manatiling "low-key" ang kanilang relasyon.
Ito marahil ang dahilan kung bakit walang couple photos na ipinu-post ang magkasintahan sa kani-kanilang Instagram accounts.
Paliwanag ni Gil: "We don't mess with each other's work. What's her work is her work. What's my work is my work.
"And we keep things low-key. What happens with us is private, it's a personal thing.
"And I'm lucky to have someone who understands the nature of this work."
Si Gil ay kabilang sa bagong GMA-7 prime-time series na Beautiful Justice, habang si Kim ay isang beauty at lifestyle blogger-host.
Hindi raw isyu sa kanila ni Kim kung hindi man niya masyadong naihahayag kung gaano nila pinahahalagahan ang isa't isa.
Dugtong ni Gil, "You also have to be very careful with the information that you share being public figures.
"So I'm lucky to have someone like that na very understanding, and even if I really don't talk about her..."
Solong nakapanayam ng PEP.ph (Philippine Entertainment Portal) si Gil sa mediacon ng Beautiful Justice, sa Le Reve Events Place, Quezon City, noong August 27, Martes.
NO TO DOUBLE STANDARDS
Bilang boyfriend, istrikto ba siya pagdating sa sexy pictures na ipinu-post ni Kim sa social media?
"Absolutely not. Let women wear what they want to wear.
"What if I told her, 'Don't wear that. Bawal ka mag-blue shirt. You have to wear red.'"
Napapailing na dugtong pa ni Gil, "I mean, I don't know why men have this inherent notion that you get to decide what a woman wears.
"I don't know what's this power thing. Men are weird."
Wala raw double standards si Gil pagdating sa pakikipagrelasyon.
"If your girlfriend tells you, 'You are not allowed to wear T-shirt.' Di ba, it doesn't make sense.
"So, dapat ganun din sa girls, dapat pantay lang treatment."
WHAT KEEPS A RELATIONSHIP GOING
Hindi tuwirang nabanggit ni Gil, pero base sa mga dati niyang panayam ay mabibilang na humigit-kumulang three and a half years na sila ni Kim.
Sa loob ng panahong iyon ay masasabi raw ni Gil na hindi siya ang tipong kailangan pagpaalaman pa kung may mga lakad si Kim kasama ng barkada nito.
"Wala... It's maturity and respect. More importantly, it's always about respect.
"If you love and trust your partner, it should be easy.
"And it's easy for us."