Hindi pinalampas ni Ronnie Alonte ang komento ng isang basher sa post ng rumored girlfriend nitong si Loisa Andalio sa Instagram ngayong araw, September 16.
Nakalagay sa post ng Kapamilya actress, kalakip ang larawan ni Ronnie na kuha sa ABS-CBN Ball 2019 noong Sabado, September 14: “ang gwapo naman ng mister ko.”
Komento ng isang netizen na may handlename na @dejavujavu1, “ang tanong, ikaw ba gusto nya maging misis?”
Kaagad ding sumagot ang Hashtags member sa nasabing basher.
Tugon ni Ronnie, “@dejavujavu1 oo bkit?”
Sagot naman ng basher, “@iamr2alonte ah ksi me movie kayo o inutusan ka ni loisa.
“mga fans nya screenshot nyo to ha, tignan natin hanggang sa magbreak sila.”
Hindi na sumagot si Ronnie dito.
Marami naman ang humanga sa pag-amin ni Ronnie na gusto niya si Loisa na ang kanyang magiging forever.
Nakisang-ayon din sila sa “pagsunog” daw ni Ronnie sa basher.
Kahit wala pa silang tuwirang pag-amin, halata naman sa kilos ng dalawa na may namamagitan na sa kanilang espesyal.
Noong November 2018, tila nag-celebrate pa nga sila ng kanilang second anniversary dahil sa post ni Loisa sa Instagram na "731."
Ito ay tumutukoy sa bilang ng araw sa loob ng dalawang taon.