Kinumpirma ng kapatid ni Jojit Paredes na pumanaw na ang erstwhile singer-actor dahil sa massive brain aneurysm sa Los Angeles, California, noong Martes, September 24 (Wednesday, September 25, Manila time).
Siya ay 68 years old.
Kahapon, September 24, kumalat ang balitang sumakabilang-buhay si Jojit pero itinanggi ito ng pamilya niya.
Ngayong umaga, Manila time, sa pamamagitan ng isang Facebook post, sinabi ng kapatid ni Jojit na si Trinity na nagpaalam na ang dating matinee idol.
"It is with our deepest grief and sadness to announce that our beloved brother Jojit whom we love so much passed away this morning here in Los Angeles. Please pray for him."
Naglabas din ng official statement ang pamilya ni Jojit sa Facebook tungkol sa pagkawala ng singer-actor na sumikat sa Philippine showbiz noong dekada '70:
"Today we say goodbye to Jojit Paredes, who passed away peacefully today in Los Angeles, surrounded by loved ones.
"He loved making music for every one of you who ever bought a ticket to his concerts, every one of you who ever bought his records, every one of you who listened to him on the radio, every one of you who watched him on TV or movies, every one of you who wrote to him or read about him, every one of you whoever shared a memory or an experience with him while listening to the Guitar Man, or a Beautiful Sunday.
“Now he is free, and he leaves behind a family who will miss him dearly, and you, the fans, who he will always be in his heart.
"This is goodbye for now, but he will live on in our hearts, through his love, and through his music.
"And when my mind is free You know a melody can move me And when I'm feelin' blue The guitar's comin' through to soothe me."
Sina Nora Aunor, Vilma Santos, at Gina Alajar ang mga aktres na nakapareha ni Jojit noong active pa ito sa showbiz.
Siya ang leading man ni Nora sa Super Gee (1973), love interest ni Gina Alajar sa Cofradia (1973), at katambal ni Vilma sa Tok Tok Palatok (1974).
Ang cover ng "Beautiful Sunday" ni Daniel Boone ang biggest hit ni Jojit bilang singer.
Bago nag-migrate si Jojit sa Amerika noong 1985, successful television producer siya dahil idea niyang bigyan ng sariling TV show si German Moreno noong 1978, ang Germside.
Noong nabubuhay pa si Kuya Germs, hindi nawawala ang pangalan ni Jojit sa kanyang mga pinasasalamatan dahil ito ang nagbukas ng pinto kaya nagkaroon siya ng matagumpay na career bilang TV host.
Noong August 2018, bumalik si Jojit sa Pilipinas para sa Twofus… Reunion of Friends, ang reunion concert nila ng kanyang matalik na kaibigan na si Ronnie Henares sa The Theatre ng Solaire Resort and Casino, na ginanap noong September 1, 2018.
