Sinigurado ni Kyline Alcantara sa movie press na nagtatanong sa kanya, na maayos ang relasyon nila ni Bianca Umali bilang magkaibigan.
Kung meron mang ilangan noon dahil sa mga isyung ibinabato sa kanya, pagkalipas ng maraming buwan ay “water under the bridge” na nga ito.
Pahayag ng 17-year-old Kapuso actress, “At first, noong pumutok po yung isyu, of course, naging awkward po yung relationship namin.
“But nung malaman naman naming po yung buong katotohanan, at masaya naman kaming dalawa, so, nawala. Nawala na po.
“Wala na po ngayon, kasi we’re both happy with our careers.
“And yeah, alam naman po kasi namin yung buong katotohanan, e.
“Positive lang po kami.”
Friends pa rin nga raw sila hanggang ngayon.
Giit niya, “Opo!
“Actually, kapag nagkikita kami, at yung may mga alam yung isyu, nagiging awkward sila.
“Ipinapakita namin [ni Bianca] sa kanila, na wala, wala na yun sa amin.
“Lahat nung involved sa isyu, at nalaman naman namin yung buong katotohanan, parang nawala naman po yung awkwardness.”
Nakapanayam ng PEP.ph (Philippine Entertainment Portal) at ng ilang press people si Kyline sa mediacon ng kanyang launching movie na Black Lipstick na ginanap sa Max’s Restaurant, sa Quezon City.
KYLINE ADMITS BULLYING BUT NOT FROM BIANCA
Pero, dahil tungkol sa anti-bullying ang campaign ng kanyang pelikula, hindi rin maiwasang matanong kung na-bully ba siya noon sa kasagsagan ng isyu sa pagitan nila ni Bianca.
Ayon naman sa kanya, hindi mismo sa kanyang kapwa-Kapuso nanggaling ang pambu-bully sa kanya, kundi sa mga tagahanga nito.
Saad ng tinagurian noong “La Nueva Kontrabida,” “Yes, nagkaroon po ako ng bullying.
“Na-bash po ako online. And not just online, habang nagpi-perform po ako.
“And, masakit po siya. Nasaktan ako dahil nabastos po ako nang sobra.
“But, I’m happy na nangyari po yun sa akin. Lesson learned.
“And, it made me stronger po, dahil sa nangyari.
“Dahil kilala ko po ang sarili ko, at mahal ko ang sarili ko.
“At alam ko naman po yung mga nagawa ko, at hindi ko nagawa dun sa mga sinasabi nila.
“Pero, kumbaga, deadma na lang po.”
Dahil pareho na rin silang busy ngayon ni Bianca, sa kani-kanilang project, ang wish nga lang niya ay tangkilin ng publiko ang kanyang kauna-unahang movie na siya ang bida, na magbubukas na sa October 9.