Sa kauna-unahang pagkakataon ay nagsalita si Paolo Valcenciano tungkol sa mental condition ng kanyang nakababatang kapatid na si Gab Valenciano.
Sina Paolo at Gab ay mga anak ng singer na si Gary Valenciano at ng talent manager na si Angeli Pangilinan-Valenciano. Ang isa pa nilang kapatid ay si Kiana.
Ipinaliwanag ni Paolo ang mga pinagdaanan ni Gab may ilang taon na ang nakalilipas.
Kamakailan lang ay umamin si Gab na pinagtangkaan niya ang sariling buhay.
Ayon kay Paolo, “Well, the good news is he’s not dead.
“So he’s always been struggling since bata pa siya.
“So I thought it was pretty brave of him na naglabas siya, I mean, in-admit niya online kung ano yung mga struggles niya.
“You know, ever since nung mga 10 years ago nung nasa ASAP pa siya, nung nagsu-showbiz pa siya, he’s always been struggling, but we didn’t officially know, wala pa siyang diagnosis nun.”
Kasunod nito, inamin ni Paolo na may bipolar disorder ang kapatid.
Kuwento niya, “So, nung na-diagnose siya ng bipolar disorder about two years ago, everything sort of made sense kung bakit may mga nangyayari na hindi namin... meron siyang mga ginagawa na hindi namin ma-explain, pati siya hindi niya ma-explain.
“He’d tell me, ‘Kuya, I don’t know kung anong nangyari. I don’t know why I did that.’
“And I applaud him for being brave enough to admit that there was something wrong.”
Nagkukuwento ba ang kapatid niya tungkol sa mga nararanasan nitong kakaiba sa kanyang buhay?
Ayon kay Paolo, na siyang panganay sa Valenciano siblings, “He texts me all the time, you know...
“And he tells me na he has good days and bad days.
“So, may mga days talaga na okay siya.”
Eksklusibong nakausap ng PEP.ph (Philippine Entertainment Portal) si Paolo sa presscon ng ididirek niyang All 4 You: The Clash Concert sa Victorino's restaurant, Tomas Morato, Quezon City, nitong Huwebes, October 3.
Ang All 4 You: The Clash Concert ay tatampukan ng The Clash judges na sina Christian Bautista, Ai-Ai delas Alas, at Lani Misalucha, at ng The Clash Season 1 winner na si Golden Cañedo.
Ito ay magaganap sa Arcadia Performing Arts Center, Los Angeles, California, sa October 19.
Ito ay handog ng GMA Pinoy TV sa mga Kapuso abroad bilang bahagi ng kanilang ika-15 anibersaryo.
ROAD TO RECOVERY
Pagpapatuloy ni Paolo, malaking bagay ring nagtatrabaho na ngayon si Gab sa multi-level company na Frontrow.
“They understand his situation. And, you know, he’s been excelling.
“For the first time in how many years, game na ulit siya sumayaw.
“Kasi there was a time na ayaw na niya sumayaw, ayaw na niya mag-showbiz.
“At least now, medyo he’s getting back into it na.
“So, yeah, you know, he’s very open to me about the struggles that he goes through.
“May mga days na talaga na magti-text siya sa akin na, ‘I’m not okay, please pray for me.’
“Minsan, nati-trigger lang siya... walang trigger, ha, as in may day lang na nagigising lang siya na ayaw na niyang pumunta ng trabaho, pero pumupunta siya ng trabaho.
"Pero sinasabi niya sa akin na minsan na parang ayaw na niyang bumangon.
“Minsan, he will tell my mom and my dad na, ‘Why I am here?’ ‘Why I am alive?’ and all that.
“And then, we have good days na, you know, he wants to go to church, he wants to ride his bike, he wants to do all these things.
“So, I guess, it really comes with the sickness.”
Patuloy raw na sumasangguni sa kanyang mga doktor si Gab, at magandang balita raw ito para sa kanilang pamilya.
Saad ni Paolo, “Ever since na na-diagnose siya, he has agreed to see a psychiatrist, see his doctor regularly.
“So, that really helped a lot.
“You know, alam mo yung ginawa [niya] na nag-post siya sharing about his struggles, four or about three years ago, he would have never done that.
"Kasi gusto niya palagi na ang iniisip ng tao ay okay siya. Na kahit na nahihirapan siya, ayaw niyang malaman ng tao na may problema siya or nahihirapan siya.
“So this was something that, you know, I just felt, like, it’s almost like the road to recovery.
“So, we were happy about that.”
Note: May handang makinig at tumulong sa mga taong dumaranas ng depression. Tumawag sa hotlines ng The Hopeline Project sa (02) 804-HOPE (4673), sa 0917 558 HOPE (4673), o sa 2919 (toll-free number sa lahat ng Globe at TM subscribers).