In-announce kahapon na si Jennylyn Mercado na ang gaganap na Dr. Maxine sa GMA-7 adaptation ng hit Korean drama na Descendants of the Sun.
Ayon kay Jennylyn, recently lang daw niya nalaman na siya ang gaganap sa role na ginampanan ng South Korean superstar na si Song Hye Kyo sa orihinal na Descendants of the Sun. Ang dami raw kasi niyang ginagawa at nagte-taping pa siya noon ng show niyang Love You Two nang magsimulang mag-training na ang mga makakasama niya sa bagong gagawing show.
Nag-alanganin na rin daw siya noon kung siya ba talaga ang napili dahil nagsimula na sa paghahanda ang mga makakasama niya habang siya naman ay may ginagawa pang show.
Kahapon ay nagsimula na rin siyang mag-medical training para sa role niya bilang doktor at sasailalim sa iba pang training para maging mas makatotohanan ang kanyang pagganap.