Ipinagbunyi ng mga producers ng Write About Love mula sa TBA Studios ang pagkapili ng pelikula na maging official entry sa Metro Manila Film Festival (MMFF) 2019.
Sa thanksgiving luncheon na pinangunghunahan nina TBA Studios Chairman Fernando “Nando” Ortigas, CEO Eduardo “Ed” Rocha and President Vincent “Ting” Nebrida, at ng first-time director na si Crisanto Aquino sa Café Ysabel noong Martes, November 6, sinabi nilang hindi nila inaasahang mapabilang sila sa official entries ng film fest.
Ang Write About Love ang kaisa-isang romantic-comedy (romcom) sa walong entries ng 45th edition ng MMFF.
Sabi pa ni Ting, “We were very surprised but very elated that were chosen for MMFF because we totally didn’t expect it but of course it’s something that we’re very proud of and honored.”
Malalaking pangalan sa industriya ang makakabangga ng kanilang pelikula, nag-i-expect ba sila pagdating sa box-office ng pelikula na pinagbibidahan nina Joem Bascon, Rocco Nacino, Miles Ocampo, at Yeng Constantino?
Tugon niya, “Well sa amin, more than anything, we’re more than happy if it finds its audience and sa amin kasi ang audience nito ay ang millennials ano.
“And right now, the way we assess, it’s the only romantic comedy among the eight entries.”
Pagdating naman sa awards, sabi pa niya, “We never expect awards.
“If it comes, it comes. We’re always very proud to win anything but we don’t make movies to win awards.”
Kilala ang TBA Studios sa paggawa ng mga pelikulang katulad ng Goyo (2018), Heneral Luna (2015), at Bonifacio: Ang Unang Pangulo (2014), bakit kaya nila napiling gawin naman ang isang romcom?
Sabi naman ni Ed, “We just liked the story.
“We did Sunday Beauty Queen, Birdshot.
“We also did I’m Drunk, I Love You.
“So, we don’t stick to any genre, we look at the story.
“And we want to tell as well as we can because the Filipino public, the viewers deserve the best that we can make.”
Dagdag pa ni Ting, “It’s a good story. That’s it.
"And once it’s a good story, we don’t even decide, 'Ano ba ito, mainstream ba ito?'
"We just want to make this kind of movie.”
Proud naman si Direk Crisanto sa kanyang kauna-unahang movie bilang director.
Sabi niya, “Write About Love is a film of many firsts.
“Aside from it being my first directorial assignment, it is also the first major starrer of [former Goin’ Bulilit star] Miles.
“I am truly grateful to TBA Studios for allowing me to write, produce, and direct this beautiful film.”
Bago pa maging full-time director, nakatrabaho na ni Direk Crisanto bilang assistant director ang mga magagaling na director na sina Chito Roño, Olivia Lamasan, Rory Quintos, Laurice Guillen, Cathy Garcia-Molina, at Jerrold Tarog.
Mapapanood simula December 25, araw ng Pasko, ang Write About Love.