Masaya si Ronnie Liang na masaya ang love life ni Sarah sa piling ng fiancé nitong si Matteo Guidicelli.
“Of course. She deserves it! Happy ako sa kanya.”
May sinabi na ba si Sarah kay Ronnie na isa siya sa mga kakanta sa kasal nina Sarah at Matteo?
“Wala naman. Pero kung i-invite, pupunta ako.
“I’m willing to perform, hindi lang sa kasal, kahit sa reception!”
Ang collaboration na kanta nila ni Sarah, ang Liwanag, ang kakantahin ni Ronnie kung sakali.
“Papaareglo ko siya ng pangkasal, yung solo, yung walang duet.”
Nakausap ng PEP.ph (Philippine Entertainment Portal) si Ronnie sa concert niyang Love X Romance sa Music Museum noong Biyernes, November 8.
Special guest ni Ronnie sa concert si Sarah.
RONNIE'S LONG-DISTANCE RELATIONSHIP
Kung may Matteo si Sarah, maganda rin ang takbo ng lovelife ni Ronnie.
Patuloy ang long-distance relationship nila ng isang Pinay nurse na based sa US although ayaw magdetalye ni Ronnie dahil private person ang kanyang karelasyon.
“Nasabon” siya ng GF nang minsang nagkuwento si Ronnie sa isang interview tungkol sa kanilang relasyon.
Nagkikita sila kapag pumupunta si Ronnie sa Amerika.
“Recently lang nagkita kami. May direct flight naman doon, e.”
Kapag lisensiyado na siyang magpalipad ng eroplano, ang pamilya niya ang nais ni Ronnie na maging unang mga pasahero niya.
Ni minsan ay hindi pa nakakasakay ng eroplano ang pamilya niya.
Malamang next year ay isa nang ganap na piloto si Ronnie.