Superman actor Henry Cavill na bida ngayon sa fantasy series na The Witcher, lilipad pa-Pilipinas sa December

Humanda sa pagdating ni Superman actor Henry Cavill!

Darating sa Pilipinas si Cavill para i-promote ang kanyang Netflix fantasy series na The Witcher.

Base ang The Witcher sa isang best-selling fantasy series of novels and short stories na sinulat ng Polish author na si Andrezj Sapkowski. Unang sumikat ito sa Poland at Eastern European countries.

Di kalaunan, in-adapt ang The Witcher sa pelikula, TV series, at video games.

Ang British actor na si Cavill ang pangalawang aktor na gaganap bilang ang main character na si Geralt of Rivia--isang witcher at monster hunter--matapos gampanan ng Polish actor na si Michal Zebrowski ang TV at movie adaptation ng The Witcher nung 2001.

Polish actor na si Michal Zebrowski bilang Geralt sa 2001 Polish film na The Hexer. PHOTO: Screengrab from The Hexer (2001)

Gaganapin ang #TheWitcherInManila event sa December 12 sa Ayala Malls Manila Bay sa Parañaque City.