Nabigong makapasok sa Top 10 ang kinatawan ng Pilipinas na si Gazini Ganados sa Miss Universe 2019.
Kasalukuyang idinadaos ang prestihiyosong international beauty pageant sa Tyler Perry Studios sa Atlanta, Georgia, USA, ngayong Lunes, December 9 (Philippine time).
Ang mga nakapasok sa Top 10 ay ang mga kandidata mula sa USA, Colombia, Puerto Rico, South Africa, Peru, Iceland, France, Indonesia, Thailand, at Mexico.
Pinili ang Top 10 pagkatapos ng opening statements ng Top 20 semifinalists.
Kabilang si Gazini sa Top 20 semifinalists, kasama ang mga kandidata mula sa Venezuela, India, Vietnam, Nigeria, Albania, Croatia, Portugal, Dominican Republic, at Brazil.
Ang Miss Universe 2019 ang kauna-unahang magsusuot ng bagong korona—ang Power of Unity crown na nagkakahalaga ng $5 million o humigit-kumulang na PHP250,000,000.
Ang reigning Miss Universe na si Catriona Gray ng Pilipinas ang siyang magpapasa ng korona sa bagong Miss Universe.