Arnold Clavio answers netizen who called him out over "I love black" post for Miss Universe 2019 Zozibini Tunzi

Sinita ng isang netizen ang GMA News anchor na si Arnold Clavio sa post niyang "I love black" kasunod ng pagkapanalo ni Zozibini Tunzi ng South Africa sa Miss Universe 2019.

Si Zozibini ang kinoronahan bilang ika-68 Miss Universe, kapalit ng kababayan nating si Miss Universe 2018 Catriona Gray.

Ang pageant ay ginanap sa Atlanta, Georgia, nitong Linggo ng gabi, December 8 (Lunes ng umaga, December 9, sa Pilipinas).

Ilang oras makaraang koronahan ang 26-anyos na South African beauty, isang maikling quote ang ipinost ni Arnold sa Instagram.

Mababasa ang puting teksto sa itim na background: “I love black.”

Binati ni Arnold si Zozibini, at quoted ang closing statement ng beauty queen tungkol sa pagiging maganda ng mga babaeng black na tulad nito.

Caption ni Arnold (published as is):

“Zozibini Tunzi of South Africa succeeded the Philippines’ Catriona Gray as she was crowned Miss Universe 2019.

“Her statement, ‘I grew up in a world where women who look like me with my kind of skin and my kind of hair was never considered to be beautiful.

“‘And I think that it is time that that stops today.

“‘I want children to look at me and see my face and I want them to see their faces reflected on mine. Thank you.’

“@msuniverseph @zozitunzi (five clapping hands emojis) Congratulations #respect #gamechanger #color #blackisbeautiful #stop.”

View this post on Instagram

Zozibini Tunzi of South Africa succeeded the Philippines’ Catriona Gray as she was crowned Miss Universe 2019. Her statement, “"I grew up in a world where women who look like me with my kind of skin and my kind of hair was never considered to be beautiful. And I think that it is time that that stops today. I want children to look at me and see my face and I want them to see their faces reflected on mine. Thank you." @msuniverseph @zozitunzi ???????????????????? Congratulations #respect #gamechanger #color #blackisbeautiful #stop

A post shared by AkosiiGan???? (@akosiigan) on Dec 8, 2019 at 9:10pm PST

ARNOLD ADDRESSES “JUDGEMENTAL” NETIZEN

Isang follower ni Arnold ang kumontra sa post ng TV news anchor, na kilala sa palayaw na Igan.

Komento ng netizen: “Uy grabe naman Igan that's a no!!!”

Kaagad na dumepensa si Arnold sa netizen.

Reply ni Arnold: “huh? Yan ang advocacy niya.

“Have you watched it? Nabasa mo caption ko? Mga hashtag?”

Idinaan ni Arnold sa pagbanggit sa isang segment ng Kapuso noontime show na Eat Bulaga! ang pagtawag sa nagkomento ng “judgemental.”

Saad pa sa post ni Arnold: “Sabi nga sa Eat Bulaga, wag kang judgemental. Have a nice day.”

Hindi na sumagot ang netizen sa broadcaster.

ZOZIBINI, AN ADVOCATE OF NATURAL AFRICAN BEAUTY

August 2019 nang koronahan si Zozibini bilang Miss Universe South Africa.

Ipinakilala niya ang sarili bilang “proud advocate for natural beauty,” ayon sa kanyang Miss Universe bio.

Sa tweet ni Zozibini ngayong Lunes, labis ang pasasalamat niya sa oportunidad na ibinigay sa kanya.

Tweet ng bagong Miss Universe: “Tonight a door was opened and I could not be more grateful to have been the one to have walked through it.

“May every little girl who witnessed this moment forever believe in the power of her dreams and may they see their faces reflected in mine.

“I am #MissUniverse2019.”

Tonight a door was opened and I could not be more grateful to have been the one to have walked through it.
May every little girl who witnessed this moment forever believe in the power of her dreams and may they see their faces reflected in mine.
I am #MissUniverse2019. pic.twitter.com/gMkjmVCabo

— Zozibini Tunzi (@zozitunzi) December 9, 2019

Si Zozibini ang ikaanim na black Miss Universe, kasunod nina Leila Lopes (2011) ng Angola; Mpule Kwelagobe (1999) ng Botswana; Wendy Fitzwilliam (1998) ng Trinidad and Tobago; Chelsi Smith (1995) ng United States of America; at Janelle Commissiong (1977) ng Trinidad and Tobago.