Binatikos si Cristine Reyes ng ilang netizens na nagsabing "animal cruelty" ang dog sledding tour na ginawa ng aktres at ng anak niyang si Amarah sa Finland.
Noong December 11, ipinost ni Cristine sa Instagram ang video kunsaan sakay sila ng sled na hinihila ng limang aso sa isang snow-covered husky safari sa Rovaniemi, Finland.
Makikitang nag-enjoy nang husto si Amarah sa bilis ng takbo ng kanilang sleigh ride.
"Dreaming of a white Christmas," simpleng caption ni Cristine hinggil sa kanilang winter vacation.
Hindi nagustuhan ng isang netizen ang umano'y pagpapahirap sa mga aso.
Saad nito (published as is), "Naawa ako sa mga dogs, sana machine nalang ang gamit nila pang hila instead of the dogs...
"it can be entertaining naman kahit machine ang gagamitin instead of these innocent dogs...
"my kids doesn't like riding anything if animals are involved.. for them its animal cruelty.."
Sumagot si Cristine na maayos ang pagpapalakad ng husky safari na pinasyalan nila ni Amarah.
Hindi rin naman daw niya gugustuhing makasakit ng hayop.
"We had the same sentiments but while waiting we had the privilege of learning how they run the business and most especially how they care for all the dogs.
"You can go and see for yourself.
"I just wanted to share this precious moment we had.
"I have two dogs and I think I’m fully aware what animal cruelty means."
Kanya-kanya raw ng trip na adventure.
"Again, to each their own. Merry Christmas," dagdag ni Cristine.
NETIZENS DEFEND CRISTINE
Dinepensahan ng isa pang netizen si Cristine at nagbahagi pa ito ng link sa isang artikulo tungkol sa dog mushing—isang popular sport o transport method gamit ang Siberian o Alaskan huskies lalo na sa mga lugar na all-year-round ang winter.
Nae-enjoy raw ng trained dogs na ito ang racing at pati ang dog sledding.
Trained din umano ang mga tagapag-alaga na siguruhing may sapat na pahinga ang mga aso sa pagitan ng tours sa husky safari.
Sumunod na comment ng nambatikos na netizen ay naintindihan na raw niya na safe ang dog sledding.
ARE THE DOGS COLD?
May isa pang netizen ang naawa sa mga asong tila ginaw na ginaw raw habang sakay sina Cristine at Amarah sa hinihilang sled.
Komento ng netizen (published as is): "I cant help not to notice the dogs barking, Poor dogs, maybe the cold bother them so much."
Sagot ni Cristine: "totally wrong."
Ipinagtanggol ulit si Cristine ng dalawa pang netizens.
Nilinaw ng isa na gustung-gusto ng mga aso ang pagtakbo.
Dagdag ng isa pang nagtanggol kay Cristine, "the cold never bothered them anyway (let it go! Let it go!) Hahaha."
Hango iyon sa theme na "Let It Go" ng sikat na animated film na Frozen.
Sumagot naman si Cristine ng "100" o perfect.
Base pa rin sa artikulong naunang ibinahagi ng isang netizen, sinabi ng isang turistang nakapunta sa isang year-round winter husky safari na hindi nilalamig ang huskies dahil likas na makakapal ang mga balahibo ng mga ito.
Hindi rin daw nakita ng turista na nanginig ang mga aso sa kanilang tour.