Nabigong maiuwi ni Michelle Dee ang korona sa Miss World 2019.
Ginanap ang grand coronation night ng Miss World ngayong Sabado ng gabi, December 14, sa ExCeL Arena, London, England.
Nakalaban ng 23-year-old Pinay beauty queen ang mahigit 110 na kandidata mula sa iba’t ibang panig ng mundo.
Hanggang Top 12 lamang ang naabot ni Michelle sa timpalak.
Narito ang buong listahan ng nakapasok sa Top 40:
- Antigua & Barbuda
- Australia
- Brazil
- BVI
- China PR
- Cook Islands
- Denmark
- England
- France
- Guyana
- Hong Kong China
- India
- Indonesia
- Jamaica
- Kenya
- Malaysia
- Mexico
- Moldova
- Mongolia
- Nepal
- Nigeria
- New Zealand
- Paraguay
- Philippines
- Poland
- Portugal
- Puerto Rico
- Russia
- Scotland
- South Africa
- Spain
- Thailand
- Trinidad & Tobago
- Tunisia
- Uganda
- Ukraine
- USA
- Venezuela
- Vietnam
- Wales
Mula Top 40, pasok din sa Top 12 si Michelle.
Ang iba pang pasok sa Top 12 ay ang mga kandidata mula Kenya, Nigeria, Brazil, Mexico, India, Nepal, Vietnam, Jamaica, France, Russia, at Cook Islands.
Mula Top 12, hindi na pinalad si Michelle na makapasok sa Top 5.
Ang mga mapalad na nakapasok sa Top 5 ay ang mga kandidata mula Nigeria, Brazil, India, Jamaica, at France.
Hindi natuldukan ni Michelle ang pagiging uhaw ng bansa ng international crowns sa mga beauty pageants na idinaos ngayong taon.
Hanggang Top 20 lamang ang inabot ni Gazini Ganados sa Miss Universe 2019 pageant na idinaos sa Atlanta, Georgia.
Si Bea Patricia Magtanong ay umabot lamang sa Top 8 sa Miss International 2019 pageant na ginanap sa Japan.
Samantala, umabot naman sa Top 25 si Resham Saeed sa Miss Supranational 2019 pageant na idinaos sa Poland.
Second runner-up ang nasungkit ni Leren Mae Bautista sa Miss Globe 2019 na ginanap sa Montenegro.
Hindi naman pinalad si Samantha Ashley Lo na makapasok sa semi-finals round ng Miss Grand International 2019 sa Venezuela.
Ang unang naging titleholder ng bansa bilang Miss World ay si Megan Young noong 2013.