Tahasang itinanggi ni Liza Soberano, 22, ang isyung nabuntis siya noong 2019 kaya siya nagbakasyon sa United States.
Nagtagal ng halos walong buwan sa Amerika si Liza para sa apat na surgeries na isinagawa sa kanyang right index finger, at kinailangang palitan ng bakal ang buto sa kanyang daliri.
Natamo ni Liza ang kanyang injury sa taping ng 2018 action-fantasy priemtime series na Bagani.
Sa loob ng panahong iyon ay nasa tabi ng dalaga ang leading man at real-life boyfriend niyang si Enrique Gil.
Ayon kay Liza, inasahan na niyang magkakaroon ng mga espekulasyon ang mga tao dahil matagal siyang nawala sa showbiz.
“I wasn’t bothered by other people’s speculations. I expected it, ‘Oh, they’re gonna think [I’m pregnant] because I’m gone for so long,’” kuwento ng aktres sa January 14 episode ng ABS-CBN late-night talk show na Tonight With Boy Abunda (TWBA).
Pagpapatuloy ni Liza, nagkaroon siya ng sama ng loob sa radio jockey na naglabas ng blind item tungkol sa kanya, dahil pinaniwalaan ito ng ibang tao.
“I was more upset with the person who came up with it, like, a whole video and everything.
“They didn’t even bother to ask my manager, who was here the whole time or even ask me first.
“Parang, they were putting out a blind item that they made it so obvious that they were talking about me.
“I was actually in surgery when the video came out.”
Ang tinutukoy na "manager" ni Liza ay ang radio host-actor na si Ogie Diaz.
Noong July 4, 2019, naglabas ng public apology ang radio disc jockey na si Kapitana Sisa, Glenn Dy sa totoong buhay, dahil sa inilabas niyang YouTube video na tumutukoy sa isang aktres na buntis diumano kaya nagpunta sa Amerika.
Hindi man pinangalanan ni Kapitana DJ ang aktres, malinaw pa rin na si Liza ang pinatutukuyan nito.
Ikinagalit ito ni Ogie, at hinamon pa ang DJ sa paratang nito.
Nagbanta rin si Ogie na ihahabla niya ang DJ.
SUING THE DJ
Sa kanyang TWBA interview kagabi, sinabi ni Liza na pinayuhan siya ng kanyang fans na idemanda ang DJ na nanira sa kanya, pero minabuti ng aktres na huwag na lang itong ituloy.
Ani Liza, “My fans wanted me to sue him or something… I was, like, I am not ruining someone’s life just because they decided to make a silly rumor about me.
“I think it’s bad enough already that he got a taste of his own medicine and everyone got mad at him.”
Hindi raw siya ang tipong itatago kung mabuntis man siya.
“I don’t think everyone who gets pregnant wants to hide it, but it really didn’t happen and there was so much proof [that it wasn't true].
“And also, I want to change the perception just because I went out of the country, parang buntis agad.”
Sabi pa ng aktres, hindi siya ang tipong magaling magsinungaling.
“Actually, people who know me know [that] I’m a very bad liar.
“When I lie, I stutter so much and I end up nabubuking ko yung sarili ko.”
Pasaring naman ni Enrique sa naranasan ni Liza, kailangang maging responsable sa paggamit ng social media.
Sabi ng aktor, na kasama ni Liza sa interview, “I think the lesson [is] just because it’s social media, doesn’t mean you can just… [have] the license to do whatever you want.
“You have to be careful also what you put out there.”