Sa gitna ng naranasang kalamidad marami ang natuwa sa mga post ng komedyante at One of the Baes star na si Dyosa Pockoh.
Taga-Lemery, Batangas si Dyosa at nang magsimulang magbuga ng usok ang Bulkang Taal, kasama si Dyosa at ang kanyang pamilya sa mga Batanguenyong nagsilikas patungo sa Nasugbu.
Pero kahit na isa sa mga evacuees, nagawa pa ni Dyosa na mag-post ng nakakatuwang photos at videos ng kanyang buhay bilang "bakwit" o evacuee.
Sa kanyang Facebook page, ipinakita ni Dyosa ang kanyang pagrampa suot ang mga donation na damit mula sa mga nagpadala ng tulong.
Nagpapasalamat ang komedyante sa mga tumulong at patuloy na tumutulong sa mga naapektuhan ng pagputok ng Bulkang Taal.
Ikinatuwa naman ng netizens ang positivity at "good vibes" na ipinapakita ni Dyosa sa kapwa evacuees sa kabila ng dinaraanang pagsubok.