Nirerespeto raw ni Khalil Ramos ang desisyon ni Julia Barretto na i-unfollow siya at ang girlfriend niyang si Gabbi Garcia sa Instagram.
Kilalang malapit na magkaibigan sina Julia at Gabbi, na dating high school classmates.
Dahil girlfriend ni Khalil si Gabbi, naging kaibigan na rin ng aktor si Julia.
Kapwa rin Star Magic talents sina Julia at Khalil; habang si Gabbi ay talent ng GMA Network.
Ayon kay Khalil, clueless sila ni Gabbi kung bakit in-unfollow sila ni Julia sa Instagram.
“I haven’t talked to Julia about it, pero si Gabbi invited her for dinner.
“Pero we don’t really know..."
Dagdag niya, "Pero as friends of Julia, we really support whatever she’s going through.
“We showed naman our support to her.
“Sabi namin, 'We’re here whenever you need us, whenever you need someone to talk [to].'"
Pag-ulit ni Khalil, “Regarding the whole unfollow thing, I’m really clueless.”
Ikatutuwa raw ni Khalil malaman ang dahilan ng pag-a-unfollow ni Julia sa kanila, pero hindi raw niya pipilitin kung ayaw nitong magsabi.
“Siyempre, it would be really nice to know, pero I respect it.
“If she doesn’t wanna talk about it, then I’m fine with that.”
Nakausap ng PEP.ph (Philippine Entertainment Portal) at iba pang reporters si Khalil sa press conference ng iWant TV anthology na Ampalaya Chronicles, kahapon, January 23.
JULIA ALSO UNFOLLOWED JOSHUA, JANELLA, OTHER FRIENDS
Noong January 13, napaulat ang pag-a-unfollow ni Julia sa Instagram accounts ng dating boyfriend na si Joshua Garcia at ng kaibigan ng aktres na si Janella Salvador.
Kasabay nito ang ulat tungkol sa pagpu-post ni Joshua sa Instagram ng mga larawan nila ni Janella.
Si Janella ang leading lady ni Joshua sa katatapos lang na ABS-CBN primetime series na The Killer Bride.
Pero hindi lang pala sina Joshua at Janella ang in-unfollow ni Julia sa Instagram.
Hindi na rin naka-follow si Julia kina Khalil at Gabbi, at sa iba pang kaibigan nito sa showbiz na sina Dominic Roque at Patrick Sugui.
Pero naka-follow pa rin sina Khalil at Gabbi kay Julia.
KHALIL ON SHOWBIZ CAREER
Nito lamang Miyerkules, January 22, ay ipinagdiwang ni Khalil ang kanyang ika-24 kaarawan.
Sa tuwing sasapit daw ang kanyang birthday, napapaisip si Khalil pagdating sa mga plano niya sa buhay.
Paliwanag niya, “Every January, lagi siyang nagiging test for me. New Year, di ba?
“Ang daming iisipin—New Year’s resolution, coming from the holidays, going back to work, and then celebrating my birthday.
“For me, it’s always kinda like a reset.
“Isipin ko kung ano yung plano this year and years, and the coming decade…
“So, my birthday wish siguro is I want siguro more clarity in terms of... in the coming years, and more guidance towards the path I want to take in terms of my career.”
Malaki naman ang pasasalamat ni Khalil pagdating sa kanyang personal na buhay.
“Thankfully, I’m very blessed with family that is very loving, na problem-free, and of course, the relationship that I truly treasure,” pagtukoy ni Khalil sa relasyon nila ni Gabbi.
KHALIL WANTS TO MAKE MORE MOVIES
Bukod sa Ampalaya Chronicles, napapanood ngayon si Khalil sa Kapamilya primetime series na Make It With You, na pinagbibidahan nina Liza Soberano at Enrique Gil.
Umaasa rin siyang magtuluy-tuloy ang paggawa niya ng mga pelikula.
May niluluto nga raw movie project na tatampukan niya, pero wala pang depinidong detalye.
“I can’t disclose yet.
“I’m shortlisted for one movie that I really wanna do, pero wala pa, hindi pa kasi final.
“This year, I really wanna ride the momentum in my career na puro pelikula.
“I enjoy doing films. Kung napapansin niyo, over the past few years, dun talaga ako mas nakikita.
"Kasi, gusto ko i-test ang limits ko, maka-experience ng iba’t ibang characters, challenge,” ani Khalil.
Noong 2019, tatlong pelikula ang ginawa ni Khalil: The Ghosting, Dead Kids, at LSS (Last Song Syndrome).