Hindi itinago ni Ai-Ai delas Alas ang pagka-bad trip sa isang basher dahil sa pakikialam daw nito sa kanyang simpleng kaligayahan.
Sa Instagram post niya ngayong Martes ng umaga, January 28, ibinahagi ni Ai-Ai ang screenshot ng handwritten note ng kanyang mister na si Gerald Sibayan.
Nakalagay sa note ni Gerald: “Ito na po ang Breakfast mo darling. I LOVE YOU so much. GOOD HUSBAND. Darl.”
Caption naman dito ng Comedy Queen: “Good morning -- thank you LORD sa blessing na ito .. [smiley emoji] #geraldgoodhusband”
AI-AI LASHES BACK AT BASHER
Isa sa mga nagkomento sa post na ito ni Ai-Ai ay ang Instagram user na si @brie5858. Walang profile pic ang nasabing account.
Komento ng netizen: “Why need to post this? You could try to leave something private in your lives to yourselves.”
Halatang nagpanting ang tenga ni Ai-Ai.
Buwelta ng Kapuso star (published as is): “@brie5858 ang inggit naka mamatay yan magbago ka na!!!.. ig ko to at kahit anong i post ko wala KANG PAKIALAM..
"mag lagay ka muna ng picture at mag trabaho ka para makatulong ka sa bayan hindi yung bash k ng bash !!!!!!kaya hindi ka umuulad kasi yan ang gawain mo”
Sumaklolo naman si Gerald sa kanyang asawa.
Patama nito sa netizen: "@brie5858 wag maiingit okay.”
Maikling tugon ng netizen: “ok.”
Pero hindi pa rin humupa ang galit ni Ai-Ai.
Buwelta niyang muli: “@brie5858 hindi ok !!!!! Magbtrabaho ka!!!!! Para makatulong ka sa pamilya mo!!!!!!!!”
Ilang followers ni Ai-Ai ang nagbigay ng suporta sa kanya at tinira rin ang netizen, na sinagot naman ng aktres.
