Third wheel si Donny Pangilinan sa loveteam nina Ronnie Alonte at Loisa Andalio sa Valentine movie ng Star Cinema na James & Pat & Dave, na nakatakdang ipalabas sa February 12.
Matapos mabuwag ang DonKiss tandem nila ni Kisses Delavin, mas okay na ba si Donny na walang ka-loveteam?
“Well, first of all, I’m very thankful sa lahat ng opportunities and trust na binibigay ng management that they see something in me,” pahayag ni Donny.
“Siyempre, nakakapagod din. Kasi biglaan din na nangyari ang lahat. So, I’m slowly adjusting to everything.
“And when it comes to working with other people, I’m super open.
"I have an amazing group of people sa close friends ko na nagbibigay ng motivation sa akin, inspiration—my parents, my family.
"So sa ngayon, I’m just in a good place.
“Especially rin ngayon na ang ganda ng playdate namin. And iyung environment namin sa set, so light. Ang saya lang na finally, we get to show this movie to you, guys.
“I’m just very thankful and blessed.”
V-DAY PLANS
Sa totoong buhay, may ka-Valentine date ba siya?
Lahad niya, “Busy rin po ako, ang dami ko rin pong ginagawa ngayon.
“I am just enjoying, obviously, there’s so much on my plate, so my focus right now is just work and my school. I’m still in school.
“I haven’t seen my family for so long.”
Naganap ang mediacon ng James & Pat & Dave nitong nakaraang Biyernes, Enero 31, sa Dolphy Theater, ABS-CBN Compound, Quezon City,
DREAM LOVE TEAM PARTNER
Sakaling bibigyan siyang muli ng ka-loveteam, meron ba siyang naiisip kung sino ito?
Biro niya, “Puwede naman po si Awra [Briguela] sa akin.
“I don’t know. Hindi ko pa po naiisip but you know, I’m open.
"I’m open to working with people. It depends on the story as well.
“But right now, I’m just focused on James & Pat & Dave.”