Nagpasalamat ang ABS-CBN actor na si Arjo Atayde sa special surprise ng kanyang girlfriend na si Maine Mendoza kamakailan.
Nitong Sabado, February 1, ipinost ni Arjo ang kanyang litrato kasama si Maine at ang Fil-American stand-up artist na si Jo Koy.
Sa kanyang post, sinabi ni Arjo na matagal na siyang fan ni Jo Koy, at si Maine ang naging dahilan upang makilala niya ito nang personal.
Sulat ni Arjo sa kanyang caption: "I stumbled upon Jo Koy’s clips on YouTube 14 years ago and I’ve been a fan since.
"I waited so long for this moment and it truly is such an honour to finally meet him. Thank you so much @jokoy you’re such an inspiration.
"Please make sure to come back!!"
Sa bandang dulo ng kanyang post, inihayag ni Arjo ang kanyang pasasalamat kay Maine.
Sulat nito, "But also, aside from Jo Koy, thank you to this cutie in the middle for the most unbelievable and unexpected surprise ever. I love you.. Thank you [heart emoji]."
Hindi nilagay ni Arjo kung kailan nito nakilala nang personal si Jo.
Ngunit base sa kanilang litrato, makukumpirmang personal nilang nakasalamuha ang sikat na comedian sa backstage ng show nito, na ginanap sa Waterfront Cebu City Hotel & Casino noong January 17.
Ito naman ang ikalawang beses na napanood ni Maine si Jo Koy nang live.
Bukod sa Cebu, dinala din ni Jo Koy ang kanyang Just Kidding World Tour sa SM Mall of Asia Arena noong January 15.
Nagkaroon din ang Fil-Am comedian ng special show na pinamagatang Jo Koy Presents: An Evening of Music and Comedy sa Solaire Resort & Casino noong January 11.
Use these Lazada vouchers when you shop or order online. Marami pang ibang coupons dito.