Humingi ng dispensa ang GMA News reporter na si Marisol Abdurahman sa mga tagahanga ng K-pop group na Seventeen dahil sa mga nasabi niya habang sinasalubong ng media ang grupo sa airport noong Biyernes, February 7.
Ang Seventeen, isa sa pinakasikat na K-pop groups sa buong mundo, ay binubuo ng 13 miyembro.
Ito ay sina S.Coups, Jeonghan, Joshua, Jun, Hoshi, Wonwoo, Woozi, DK, Mingyu, The8, Seungkwan, Vernon, at Dino.
Dumating sa bansa ang Seventeen para sa kanilang Ode To You World Tour na ginanap sa Mall of Asia Arena kinabukasan, February 8.
Bumuhos ang fans ng grupo sa Ninoy Aquino International Airport (NAIA) upang salubungin ang kanilang mga idolo.
Bukod sa mga tagahanga, may mga nag-cover ding media representatives, kabilang na si Marisol at ang kanyang TV crew.
Sinubukan ni Marisol na makalapit sa grupo upang makakuha ng interview, ngunit sa higpit ng seguridad ay hindi siya nagtagumpay.
Matapos nito, nakunan siya ng ilang fans ng video kung saan maririnig ang kanyang mga salitang “Kung ako lang nga ‘yan, ayoko mag-cover ng mga ‘yan, ano!”
Kaagad naman itong ipinost ng netizens sa Twitter, at agad-agad ding kinondena ang pahayag ng reporter.
Hiniling din nilang mag-apologize si Marisol at ang GMA News sa kanilang mga idolo.
Dahil dito, nag-trend kaagad ang hashtag na #ApologizeToSeventeenGMA.
Narito ang ilan sa posts ng netizens:
MARISOL APOLOGIZES TO SEVENTEEN, FANS
Kaagad namang humingi ng paumanhin si Marisol sa fans ng Seventeen.
Ibinahagi ito ng GMA News sa kanilang official Twitter account noong araw ring iyon.
Nakasaad sa pahayag ni Marisol (published as is): “I wish to extend my sincerest apologies to all the fans of the K-pop group Seventeen.
“In my desire to get close to the group for an interview knowing how Filipino fans love them, I had a bad encounter with the airport security personnel who pushed me hard and covered our camera lens several times.
“In my frustration, I uttered words I should have not said. I regret saying them as they do not reflect my true sentiments.
“I can only imagine how upset the fans must have been for the careless words I uttered. Please know that I have no intention of hurting them.
“While my words are definitely uncalled for, they do not define my true character as a journalist built over the years.
“Again, I am extending my sincerest apologies to the fans and I wish Seventeen a successful concert.”