Si Paul Luzineau ng Netherlands ang grand winner sa 20th edition ng Manhunt International.
Ginanap ang grand coronation sa New Frontier Theater, Cubao, Quezon City, nitong Sabado ng gabi, February 22.
Maliban sa Manhunt International 2020 title, si Luzineau siya rin ang nanalo ng Face of the Year special award.
First runner-up at Loo Chan Huat awardee si Nikos Antonpoulos ng Greece; 2nd runner-up si Matheus Goira ng Brazil; 3rd runner-up si Yeray Hidalgo ng Spain; at 4th runner-up si Mayur Gangwani ng India.
Pinalad makasali sa Top 16 finalists ang Philippine delegate na si Daumier Corilla, na nag-uwi rin ng best in national costume award.
Thirty-six ang official candidates sa 20th edition ng Manhunt International, na idinaos sa Pilipinas ang coronation night sa kauna-unahang pagkakataon.
Crowd favorite sina Mr. Sweden Elvir Aljicevic, na nagwagi ng Best Commercial Model special award; Pham Dinh Linh ng Vietnam, na recipient ng Best Runway Model special award; at Reon Elder ng Trinidad & Tobago, na nanalong Mr. Friendship.
Pinapalakpakan si Elder sa tuwing lumalabas sa stage dahil sa kanyang fierceness at mala-supermodel na pagrampa.
Ang iba pang special awards ay ang mga sumusunod: Mr. Physique (Mr. Peru Alonzo Anasgo), Mr. Photogenic ( Mr. Thailand Sittipong Imsatian), Mr. Personality (Mr. Nepal Bibesh Shrestha), Mr.Internet Popularity (Mr. Paraguay William Ocampos), at Best Fashion Model (Mr. United Kingdom Ben Spong).
Si Miss Intercontinental 2015 Christi Lynn McGarry at ang former Pinmoy Big Brother Otso housemate na si Andrei Brouillette ang mga host ng 20th edition ng Manhunt International.
Kabilang sa judges sina Manhunt International 2012 winner June Macasaet, Bb. Pilipinas International 2014 Bianca Guidotti, Manhunt International 2018 Vicent Llorach, at Manhunt International executive president Rosko Dickinson.